യുഎഇയിൽ മാധ്യമ നിയമം കർശനം; 1 മില്യൺ ദിർഹം ഫൈൻ ഒഴിവാക്കാം, ഈ കാര്യങ്ങൾ ശ്രദ്ധിച്ചാൽ മതി
യുഎഇയിലെ പ്രിന്റ്, ബ്രോഡ്കാസ്റ്റ്, ഡിജിറ്റൽ പ്ലാറ്റ്‌ഫോമുകളിൽ വരുന്ന കണ്ടെന്റുകളിൽ നിയന്ത്രണം ഏർപ്പെടുത്തി കൊണ്ട് പുറത്തിറക്കിയ പുതിയ മാധ്യമ നിയമം 2025 മെയ് 29 ന് പ്രാബല്യത്തിൽ വന്നു. നേരത്തെ 2023 ൽ പുറത്ത് വിട്ട ഫെഡറൽ മീഡിയ നിയമം നമ്പർ 55 പ്രകാരം നടപ്പിലാക്കിയ ഈ നിയമ ലംഘനങ്ങൾക്ക് കർശനമായ മാനദണ്ഡങ്ങളും കനത്ത പിഴകളും ചുമത്തിയിരുന്നു. ലംഘനത്തിന്റെ സ്വഭാവവും ആവൃത്തിയും അനുസരിച്ച് പിഴ 10,000 ദിർഹം മുതൽ 1 ദശലക്ഷം ദിർഹം വരെ പിഴ ഉയരാൻ സാധ്യതയുണ്ട് എന്നാണ് വ്യക്തമാക്കിയത്.
കൂടാതെ ഇതിൽ മാധ്യമ സ്ഥാപനങ്ങൾ, കണ്ടന്റ് ക്രിയേറ്റർസ്, പരസ്യദാതാക്കൾ എന്നിവർക്ക് ഈ നിയമം ബാധകമാണ്. കഴിഞ്ഞ ദിവസം പുതിയ മാധ്യമ നിയമത്തിൽ വ്യക്തത വരുത്തേണ്ടതുണ്ട് എന്ന് ആവശ്യപ്പെട്ട് ചില കണ്ടന്റ് ക്രിയേറ്റർസ് ദുബായ് മീഡിയ കൗൺസിലിനെ സമീപിച്ചിരുന്നു. ഇതിന് പിന്നാലെയാണ് മാധ്യമ നിയമ ശക്തമാക്കാൻ മീഡിയ കൗൺസിൽ 20 മാർഗനിർദേശങ്ങൾ പുറത്തിറക്കിയത്.
യുഎഇയുടെ മൂല്യങ്ങൾ സംരക്ഷിക്കുക, ദേശീയ താൽപ്പര്യങ്ങൾ സംരക്ഷിക്കുക, മാധ്യമ രീതികൾ യുഎഇ നിയമങ്ങളുമായി പൊരുത്തപ്പെടുന്നതുമാണെന്ന് ഉറപ്പാക്കുക എന്നിവയാണ് പുതിയ മാധ്യമ നിയമം കൊണ്ടും മാർഗനിർദേശങ്ങൾ കൊണ്ടും ലക്ഷ്യമിടുന്നുണ്ട്. അതേസമയം കണ്ടന്റ് ക്രിയേറ്റേഴ്സിന് നിയന്ത്രണങ്ങളൊന്നുമില്ല പക്ഷേ നമ്മുടെ മൂല്യങ്ങളെ പ്രതിഫലിപ്പിക്കുന്ന ഉത്തരവാദിത്ത രീതികൾ പാലിക്കണം എന്നാണ് യുഎഇ മീഡിയ കൗൺസിൽ സെക്രട്ടറി ജനറൽ മുഹമ്മദ് സയീദ് അൽ ഷെഹി പത്രസമ്മേളനത്തിൽ വ്യക്തമാക്കി.
പുതിയ മാധ്യമ നിയമത്തിലെ 20 മാർഗനിർദർശങ്ങൾ ഇതാ
ദൈവിക ഇസ്ലാമിക വിശ്വാസങ്ങളെയും, ഏകദൈവ മതങ്ങളെയും, മറ്റ് വിശ്വാസങ്ങളെയും ബഹുമാനിക്കണം.
യുഎഇയുടെ ഭരണ സംവിധാനം, ചിഹ്‌നം, സ്ഥാപനം എന്നിവയെ ബഹുമാനിക്കണം.
ആഭ്യന്തര, അന്തർദേശീയ തലങ്ങളിൽ യുഎഇയുടെ ദിശാബോധത്തെയും നയങ്ങളെയും ബഹുമാനിക്കുക.
യുഎഇയുടെ വിദേശ ബന്ധങ്ങളെ ദോഷകരമായി ബാധിക്കുന്ന കാര്യങ്ങൾ ഒഴിവാക്കണം.
സാംസ്കാരത്തെയും പൈതൃകത്തെയും ദേശീയ സ്വത്വത്തെയും ബഹുമാനിക്കുക.
ദേശീയ സാമൂഹിക ഐക്യത്തിന് ഹാനികരമായ ഒന്നും പ്രചരിപ്പിക്കുകയോ പ്രസിദ്ധീകരിക്കുകയോ ചെയ്യരുത്.
പ്രാദേശിക, ഗോത്ര സംഘർഷങ്ങൾ വളർത്തരുത്, അക്രമം, വിദ്വേഷം, ഭീകരപ്രവർത്തനങ്ങൾ എന്നിവ പ്രേരിപ്പിക്കരുത്. സമൂഹത്തിൽ വിദ്വേഷം വളർത്തുകയും ഭിന്നതയുടെ മനോഭാവം പ്രചരിപ്പിക്കുകയും ചെയ്യരുത്.
സമൂഹത്തിൽ നിലവിലുള്ള മൂല്യങ്ങളെ വ്രണപ്പെടുത്താതിരിക്കുകയും പൊതുതാൽപ്പര്യത്തിന്റെ ആവശ്യകതകൾ പാലിക്കുകയും ചെയ്യണം.
യുഎഇയിലെ നിയമ, സാമ്പത്തിക, നീതിന്യായ, സുരക്ഷാ സംവിധാനങ്ങളെ വ്രണപ്പെടുത്തരുത്.
വ്യക്തികളുടെ സ്വകാര്യ ജീവിതവുമായി ബന്ധപ്പെട്ട കാര്യങ്ങളിൽ സ്വകാര്യതാ നിയമങ്ങളെ ബഹുമാനിക്കണം.
കുറ്റകൃത്യങ്ങൾക്ക് പ്രേരിപ്പിക്കുന്നതോ കൊലപാതകം, ബലാത്സംഗം, മയക്കുമരുന്നുകളുടെയോ സൈക്കോട്രോപിക് വസ്തുക്കളുടെയോ ഉപയോഗം എന്നിവ പ്രോത്സാഹിപ്പിക്കുകയോ പ്രസിദ്ധീകരിക്കുകയോ പ്രചരിപ്പിക്കുകയോ ചെയ്യരുത്.
പൊതു ധാർമ്മികത ലംഘിക്കുന്നതോ, യുവാക്കളെ വ്രണപ്പെടുത്തുന്നതോ, വിധ്വംസക ആശയങ്ങൾ സ്വീകരിക്കാനോ പ്രോത്സാഹിപ്പിക്കാനോ ആഹ്വാനം ചെയ്യുന്നതോ ആയ ശൈലികൾ, ചിത്രങ്ങൾ, ഡ്രോയിംഗുകൾ, അഭിപ്രായങ്ങൾ എന്നിവ പ്രസിദ്ധീകരിക്കരുത്.
തെറ്റായ വാർത്തകൾ, വ്യാജ പേപ്പറുകൾ, സ്ഥാപനങ്ങൾക്കോ വ്യക്തികൾക്കോ തെറ്റായി ആരോപിക്കപ്പെടുന്ന പ്രസിദ്ധീകരണമോ പ്രക്ഷേപണമോ പ്രചരിപ്പിക്കരുത്.
ദേശീയ പണത്തിനോ സംസ്ഥാനത്തെ സാമ്പത്തിക സ്ഥിതിക്കോ ദോഷം രീതിയിൽ പ്രസിദ്ധീകരിക്കുകയോ പ്രക്ഷേപണം ചെയ്യുകയോ ചെയ്യരുത്.
കിംവദന്തികളും തെറ്റിദ്ധരിപ്പിക്കുന്ന വാർത്തകളും പ്രചരിപ്പിക്കരുത്.
യുഎഇക്ക് പ്രതികൂലമായതോ സ്വന്തം താൽപ്പര്യങ്ങൾ സംരക്ഷിക്കുന്നതോ ആയ രാഷ്ട്രീയ, വംശീയ, സാമ്പത്തിക, പ്രത്യയശാസ്ത്ര അല്ലെങ്കിൽ സാമൂഹിക പ്രവണതകളുള്ള ഗ്രൂപ്പുകളെ മഹത്വവൽക്കരിക്കാൻ പാടില്ല.
മാധ്യമങ്ങളിൽ സംഭാവനകൾ ഹോസ്റ്റ് ചെയ്യുമ്പോൾ ഉചിതമായ വ്യക്തികളെ തിരഞ്ഞെടുക്കുക.
പരസ്യത്തിന്റെ ഉള്ളടക്കം യുഎഇയുടെ സംസ്കാരം, ഐഡന്റിറ്റി, മൂല്യങ്ങൾ എന്നിവയെ മാനിക്കണം.
യുഎഇ മീഡിയ കൗൺസിൽ അംഗീകരിച്ച കലാസൃഷ്ടികളുടെ പ്രായ റേറ്റിംഗ് സംവിധാനം മനസിലാക്കുക.
യുഎഇയിൽ ബാധകമായ നിയമനിർമ്മാണം അനുസരിച്ച് കുട്ടികളുടെ അവകാശങ്ങളെ ബഹുമാനിക്കുകയും ചെയ്യണം.
അതേസമയം നിയമം അധികാരികൾക്ക് ഔദ്യോഗിക മുന്നറിയിപ്പുകൾ നൽകാനും, താൽക്കാലികമായി അടച്ചുപൂട്ടാനും, ലൈസൻസ് റദ്ദാക്കാനും, നിയമ ലംഘനത്തിന് കനത്ത പിഴ ചുമത്തുകയും ചെയ്യുന്നു. കൂടാതെ നിയമം കർശനമാക്കുമ്പോൾ മാധ്യമപ്രവർത്തകർ, ഇൻഫ്ളുവൻസേർസ്, മാധ്യമ പ്രവർത്തകർ എന്നിവരുടെ സംരക്ഷണം ശക്തിപ്പെടുത്തുമെന്നും മീഡിയ കൗൺസിൽ അറിയിച്ചു.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)