Pravasi Varthakal

യുഎഇയിൽ വാടകക്കാർക്ക് വാടക വസ്തുവിൽ താൽക്കാലിക മാറ്റങ്ങൾ വരുത്താൻ അനുവാദമുണ്ടോ? ഇത് സംബന്ധിച്ച ചില ചർച്ചകൾ സമീപകാലത്ത് നടന്നതായി ഖലീജ് ടൈംസ് റിപ്പോർട്ട് ചെയ്തു. എന്നാൽ വാടക വസ്തുവിൽ എന്തെങ്കിലും മാറ്റങ്ങൾ വരുത്തുന്നതിന് ചില നിയമങ്ങളും വ്യവസ്ഥകളും വാടകക്കാർ പാലിക്കേണ്ടതുണ്ട്.താൽക്കാലിക മാറ്റങ്ങളാണെങ്കിലോ സ്ഥിരമായ മാറ്റം ആണെങ്കിൽ പോലും യുഎഇയിലെ വാടകക്കാർ പാലിക്കേണ്ട നിയമങ്ങൾ നിർബന്ധമായും അറിഞ്ഞിരിക്കണം. കൂടാതെ വാടക കരാറിൽ ഇത് സംബന്ധിച്ച കാര്യങ്ങൾ വ്യക്തമാക്കുകയും ചെയ്തു. യുഎഇയിലെ ഒരു പ്രവാസി തന്റെ വാടക അപ്പാർട്ട്മെന്റിലെ മുറിയിൽ മാറ്റങ്ങൾ വരുത്താൻ ഉദ്ദേശിക്കുന്നു പക്ഷെ നിയമ പ്രകാരം ഇതിന് സാധ്യമാണോ എന്ന ചോദ്യത്തിന് മറുപടിയായി സാധ്യമല്ല എന്നാണ് വ്യക്തമാക്കുന്നത്.കൂടാതെ ഇതിന്റെ നിയമസാധുതയെക്കുറിച്ചും ഇത്തരത്തിലുള്ള പരിഷ്‌ക്കരണത്തിന് എന്തെങ്കിലും അനുമതികൾ ആവശ്യമുണ്ടോ എന്നതിനെ കുറിച്ചും വ്യക്തമായി പറയുന്നു. അതായത് ഏതൊരു വാടകക്കാരനും ഉടമയിൽ നിന്നോ ബന്ധപ്പെട്ട അധികാരികളിൽ നിന്നോ അനുമതി വാങ്ങാതെ വാടക വസ്തുവിൽ മാറ്റങ്ങൾ വരുത്താൻ സാധ്യമല്ല. അതിന് കൃത്യമായ വിലക്കുകൾ ഏർപ്പെടുത്തിയിട്ടുണ്ട്.ദുബായ് സിവിൽ ഡിഫൻസ് ഉൾപ്പെടെ എമിറേറ്റിലെ ഭൂവുടമകളും വാടകക്കാരും തമ്മിലുള്ള ബന്ധത്തെ നിയന്ത്രിക്കുന്ന 2007 ലെ 26-ാം നിയമത്തിലെ ആർട്ടിക്കിൾ 19ൽ ഇതിനെ കുറിച്ച് വിശദമായി പറയുന്നു. അതിൽ വാടകക്കാരൻ നിശ്ചിത തീയതികളിൽ വാടക അടയ്ക്കുകയും റിയൽ പ്രോപ്പർട്ടി നല്ല നിലയിൽ നിലനിർത്തുകയും ചെയ്യേണ്ടത് നിർബന്ധമാണ്.കൂടാതെ ഏതൊരു മാറ്റവും വരുത്തുന്നതിന് മുമ്പ് ഭൂവുടമയുടെ രേഖാമൂലമുള്ള അനുമതി നിർബന്ധമാണ്. ഭൂവുടമയുടെ സമ്മതമില്ലാതെ നടത്തുന്ന ഏതൊരു മാറ്റവും കരാർ ലംഘനമായി കണക്കാക്കപ്പെടുന്നു. മാറ്റങ്ങൾ വരുത്താൻ യോഗ്യതയുള്ള ഔദ്യോഗിക സ്ഥാപനങ്ങളിൽ നിന്ന് ആവശ്യമായ ലൈസൻസുകളും അനുമതികളും നേടേണ്ടതും അത്യാവശ്യമാണ്. അതിനാൽ മാറ്റങ്ങൾ വരുത്താനോ അറ്റകുറ്റപ്പണികൾ നടത്താനോ പാടില്ല.അതേസമയം വാടകക്കാരൻ വാടകയ്‌ക്കെടുത്ത വസ്തുവിന്റെ സുരക്ഷയെ അപകടപ്പെടുത്തുന്നതോ അല്ലെങ്കിൽ പരിഹരിക്കാനാകാത്ത നാശനഷ്ടങ്ങൾ വരുത്തുന്നതോ ആയ ഏതെങ്കിലും തരത്തിലുള്ള മാറ്റങ്ങൾ വരുത്തുകയാണെങ്കിൽ യുഎഇയിലെ 2007 ലെ 26-ാം നമ്പർ നിയമ ഭേദഗതി 2008 ലെ 33-ാം നമ്പർ നിയമത്തിലെ ആർട്ടിക്കിൾ 25 (1) (ഇ) പ്രകാരം കാലാവധി അവസാനിക്കുന്നതിന് മുമ്പ് തന്നെ ഉടമയ്ക്ക് വാടകക്കാരനെ വീട്ടിൽ നിന്നും ഒഴിപ്പിക്കാൻ അവകാശമുണ്ട്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g