Pravasi Varthakal

യുഎഇയിലെ പ്രവാസികളാണോ നിങ്ങൾ? എന്നാണ് നിങ്ങളെ സംബന്ധിച്ചിടത്തോളം “പവർ ഓഫ് അറ്റോർണി”നിർണായകമായ നിയമപരമായ രേഖയാണ്. പലപ്പോഴും അപ്രതീക്ഷിത സാഹചര്യങ്ങളിൽ, പ്രവാസികൾക്ക് തങ്ങളുടെ സാമ്പത്തികവും നിയമപരവും വ്യക്തിപരവുമായ കാര്യങ്ങൾ കൈകാര്യം ചെയ്യാൻ ഇത് വലിയ സഹായമാണ്. നിങ്ങൾ സ്ഥലത്തില്ലാത്തപ്പോൾ കാര്യങ്ങൾ കാര്യക്ഷമമായും നിയമപരമായും കൈകാര്യം ചെയ്യാൻ ഒരു രേഖയായി ഇത് ഉൾപെടുത്താം. ഇത് കാലതാമസം ഒഴിവാക്കുകയും കൃത്യ സമയത്ത് തീരുമാനങ്ങൾ എടുക്കാൻ അവസരം നൽകുകയും ചെയ്യുന്നു. പല ആളുകളും ധരിക്കുന്നത് ഇത് ബിസിനസ്സ് ഉടമകൾക്കും പ്രായമായ വ്യക്തികൾക്കും മാത്രമുള്ളതാണെന്നാണ്. എന്നാൽ യുഎഇയിലെ നിയമപരമായ പ്രായം പൂർത്തിയായ ഏതൊരാൾക്കും അവരുടെ താൽപ്പര്യങ്ങൾ സംരക്ഷിക്കാൻ ഇത് ഉപയോഗിക്കാം.പ്രോപ്പർട്ടി കൈകാര്യം ചെയ്യൽ, വാഹന ഇടപാടുകൾ, ബിസിനസ്സ് നടത്തൽ എന്നിവയെല്ലാം ഇതിലൂടെ സാധിക്കും. ഇത് നിങ്ങളുടെ വിശ്വാസയോഗ്യമായ ഒരാളെ നിങ്ങളുടെ അഭാവത്തിൽ കാര്യങ്ങൾ നടത്താൻ അധികാരപ്പെടുത്തുന്നു. കുടുംബ സ്പോൺസർഷിപ്പ്, വിസ നടപടിക്രമങ്ങൾ, സാമ്പത്തിക ഇടപാടുകൾ, ബിസിനസ്സ് കാര്യങ്ങൾ, നിയമപരമായ വിഷയങ്ങളിൽ നിങ്ങളെ പ്രതിനിധീകരിക്കൽ എന്നിവയെല്ലാം ഇതിൽ ഉൾപ്പെടുന്നു.യുഎഇയിൽ പല താമസക്കാരും വിദേശികളാണ്. ഇവിടുത്തെ നിയമപരമായ കാര്യങ്ങൾ ഒരു സിസ്റ്റം അനുസരിച്ചാണ് നടക്കുന്നത്. അതിനാൽ ഒരു പവർ ഓഫ് അറ്റോർണി ഇവിടെ വളരെ പ്രധാനപ്പെട്ടതാണ്. ഇത് സമയം ലാഭിക്കുകയും നിയമപരമായ കാലതാമസങ്ങൾ ഒഴിവാക്കുകയും വിശ്വസ്തരായ വ്യക്തികളെ തടസ്സമില്ലാതെ കാര്യങ്ങൾ കൈകാര്യം ചെയ്യാൻ അനുവദിക്കുകയും ചെയ്യുന്നു. പവർ ഓഫ് അറ്റോർണിക്ക് അതിൻ്റേതായ കാലാവധിയുണ്ട്. ആവശ്യമെങ്കിൽ ഇത് എപ്പോൾ വേണമെങ്കിലും റദ്ദാക്കാനും സാധിക്കും. ചെറിയ ഇടപാടുകൾ മുതൽ വലിയ തീരുമാനങ്ങൾ വരെ, നിങ്ങൾ സ്ഥലത്തില്ലാത്തപ്പോൾ പവർ ഓഫ് അറ്റോർണി ഉപയോഗിച്ച് സുഗമമായി നടത്താം. നിങ്ങൾ ഒരു യുഎഇ റെസിഡൻ്റോ, ബിസിനസ്സ് ഉടമയോ, നിക്ഷേപകനോ ആകട്ടെ, നിയമപരമായി തയ്യാറെടുക്കുന്നത് അത്യാവശ്യമാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g