വലിയ പെരുന്നാൾ; നാല് ദിവസത്തെ നീണ്ട അവധി ദിനങ്ങൾ പ്രഖ്യാപിച്ച് യുഎഇയിലെ ഈ എമിറേറ്റ്
വലിയ പെരുന്നാൾ അനുബന്ധിച്ച് ഷാർജ അധികൃതർ നാല് ദിവസത്തെ പൊതു അവധി പ്രഖ്യാപിച്ചു. ജൂൺ 5, അറഫ ദിനത്തിൽ അവധി ആരംഭിച്ച് 2025 ജൂൺ 8 വരെ അവധി തുടരും. ഷിഫ്റ്റ് അടിസ്ഥാനത്തിൽ ജോലി ചെയ്യുന്ന ജീവനക്കാർ ഒഴികെ, മറ്റുള്ളവർക്ക് ജൂൺ 9 തിങ്കളാഴ്ച ഔദ്യോഗിക പ്രവൃത്തി സമയം മുതൽ ജോലി പുനരാരംഭിക്കും. ഷാർജ സർക്കാരിന്റെ വകുപ്പുകളിലും അധികാരികളിലും സ്ഥാപനങ്ങളിലും ജോലി ചെയ്യുന്നവർക്ക് ഈ അവധി സ്ഥിരീകരിച്ചിട്ടുണ്ട്. യുഎഇയിലെ സർക്കാർ ജീവനക്കാർക്ക് ഈ വർഷത്തെ ഈദ് അൽ അദ്ഹയ്ക്ക് നാല് ദിവസത്തെ വാരാന്ത്യം ലഭിക്കുമെന്ന് ബുധനാഴ്ച ഫെഡറൽ അതോറിറ്റി ഓഫ് ഹ്യൂമൻ റിസോഴ്‌സസ് പ്രഖ്യാപിച്ചു. ദുൽ ഹജ്ജ് 9 മുതൽ ദുൽ ഹജ്ജ് 12 വരെ രാജ്യം അവധി ആചരിക്കുമെന്ന് അതോറിറ്റി പുറത്തിറക്കിയ പ്രസ്താവനയിൽ പറഞ്ഞു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g
Comments (0)