Pravasi Varthakal

യുഎഇ: യുഎഇയിൽ ഈദ് അൽ അദ്ഹയ്ക്ക് മുന്നോടിയായി പലചരക്ക് ഷോപ്പിംഗ് ആപ്പുകൾ ഈ വർഷവും ‘ഉദിയ’ ഓപ്ഷൻ തിരികെ കൊണ്ടുവരുന്നു. 1,000 ദിർഹം മുതൽ 7,000 ദിർഹം വരെ വിലയുള്ള ബലിയർപ്പിക്കാനുള്ള ആടുകളെ വാങ്ങിക്കാനും വിവിധ രീതികളിൽ കട്ട് ചെയ്ത മാംസങ്ങൾ മുൻ കൂട്ടി ഓർഡർ ചെയ്യാനും താമസക്കാർക്ക് ഇത് വഴി സാധിക്കും.

യുഎഇയിലെ കരീം ആപ്പ് പ്രാദേശിക മാംസ വിതരണക്കാരായ ദബായേ അൽ എമറാത്തുമായി സഹകരിച്ച് കൊണ്ട് തുടർച്ചയായ രണ്ടാം വർഷമാണ് ഈ സംവിധാനം താമസക്കാർക്കായി ഒരുക്കിയിട്ടുള്ളത്. ഇതിൽ 12 മുതൽ 24 മാസം വരെ ആടുകൾ മുതൽ 14 മുതൽ 17 കിലോഗ്രാം വരെ ഭാരമുള്ള ആടുകളെ വരെ ലഭിക്കും. ഇതിന് 1,723 ദിർഹമാണ് വില.അതേസമയം 7 മുതൽ 9 മാസം വരെ പ്രായമുള്ള 16 മുതൽ 20 കിലോഗ്രാം വരെ ഭാരമുള്ള നൈമി ആടിന് 2,143 ദിർഹമാണ് വില വരുന്നത്.
മെയ് 15 മുതൽ ആരംഭിച്ച ഈ ഓപ്‌ഷനുകൾ വഴി ജൂൺ 4 വരെ യുഎഇയിലുള്ളവർക്ക് കരീം ഗ്രോസറീസ് വഴി ഉദിയ മാംസം മുൻകൂട്ടി ഓർഡർ ചെയ്യാം.കൂടാതെ ഓർഡർ ചെയ്യുന്ന മാംസം വീട്ടിൽ കൊണ്ടുവരികയോ അല്ലെങ്കിൽ യുഎഇ ഫുഡ് ബാങ്കിൽ പോയി വാങ്ങിക്കാനോ സാധിക്കും. ഈദ് ദിവസങ്ങളിൽ ഏത് ദിവസം വേണമെങ്കിലും സമയം തിരഞ്ഞെടുക്കാനുള്ള സൗകര്യവും ഉണ്ട്. കൂടാതെ അതേ ദിവസം തന്നെ മാംസം വിതരണം ചെയ്യുകയും ചെയ്യും.പ്രവാചകൻ ഇബ്രാഹിം തന്റെ മകനെ ബലിയർപ്പിക്കാൻ തയ്യാറായതിന്റെ ഓർമ്മയ്ക്കായാണ് ലോകമെമ്പാടുമുള്ള വിശ്വാസികൾ ഈദ് അൽ അദ്ഹയിൽ മൃഗത്തെ ബലിയർപ്പിക്കുന്നത്. ഇത് ഉദിയ അല്ലെങ്കിൽ ഖുർബാനി എന്നാണ് ഇതിനെ എന്നറിയപ്പെടുന്നത്. ബലിയർപ്പിക്കുന്ന മൃഗത്തിന്റെ മാംസം സാധാരണയായി കുടുംബാംഗങ്ങൾക്കും സുഹൃത്തുക്കൾക്കും ആവശ്യക്കാർക്കും ഇടയിൽ വിതരണം ചെയ്യുകയും ചെയ്യുന്നു.കഴിഞ്ഞ വർഷമാണ് ഉദിയ ഓപ്ഷൻ ആദ്യമായി ഈ അവതരിപ്പിച്ചത്. ആദ്യം ആഴ്ചയിൽ തന്നെ യുഎഇയിലെ താമസക്കാർക്കിടയിൽ ഇത് ജനപ്രിയമായി മാറി. ഈ മികച്ച പ്രതികരണമാണ് തങ്ങളെ വളരെയധികം പ്രോത്സാഹിപ്പിച്ചതെന്ന് കരീം ഗ്രോസറീസ് വൈസ് പ്രസിഡന്റ് ചേസ് ലാരിയോ പറഞ്ഞു.

മതപരവും സാംസ്കാരികവുമായ പാരമ്പര്യങ്ങൾ ഉൾപ്പെടെ തങ്ങളുടെ ഉപഭോക്താക്കളുടെ ജീവിതത്തിന്റെ എല്ലാ ഭാഗങ്ങളും ലളിതമാക്കുക എന്നതാണ് ലക്ഷ്യമെന്നും അദ്ദേഹം പറഞ്ഞു. കഴിഞ്ഞ വർഷം കരീമിലൂടെ അവരുടെ ഉദിയ ഓർഡർ ചെയ്യുന്നതിന്റെ എളുപ്പവും സൗകര്യവും ഉപഭോക്താക്കൾ ഗുണകരമായതായും അദ്ദേഹം വ്യക്തമാക്കി.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g