കുവൈത്തിൽ സ്വദേശി ജനസംഖ്യയുടെ പുതിയ കണക്ക് പുറത്ത്; പ്രവാസികളിൽ മുന്നിൽ ഇന്ത്യക്കാർ
കുവൈത്തിൽ സ്വദേശി ജന സംഖ്യ പതിനഞ്ച് ലക്ഷമായി ഉയർന്നു .2024 ഡിസംബർ അവസാനത്തോടെ രാജ്യത്തെ കുവൈത്തി പൗരന്മാരുടെ എണ്ണം 1,567,983 ആയി ഉയർന്നതായി പബ്ലിക് അതോറിറ്റി ഫോർ സിവിൽ ഇൻഫർമേഷൻ പുറത്തു വിട്ട സ്ഥിതി വിവര കണക്കുകൾ വ്യക്തമാക്കുന്നു. ഇതെ കാലയളവിൽ രാജ്യത്തെ മൊത്തം ജന സംഖ്യ 4,987,826 ആണെന്നും സ്ഥിതി വിവര കണക്കിൽ സൂചിപ്പിക്കുന്നു.കുവൈത്തികളിൽ പുരുഷന്മാരുടെ എണ്ണം 773,060, ആയും സ്ത്രീകളുടെ എണ്ണം 794,923 ആയും ഉയർന്നു. രാജ്യത്തെ ആകെ പ്രവാസികളുടെ എണ്ണം 3,419,843 ആണ്. അതായത് രാജ്യത്തെ മൊത്തം ജന സംഖ്യയിൽ 31 ശതമാനം പേർ സ്വദേശികളും 69 ശതമാനം പ്രവാസികളുമാണ്.രാജ്യത്തെ പ്രവാസികളുടെ എണ്ണത്തിൽ ഇന്ത്യക്കാർ തന്നെയാണ് ഇപ്പോഴും മുന്നിൽ. തൊട്ട് താഴെ യഥാക്രമം ഈജിപ്റ്റ്,, ബംഗ്ലാദേശ്, ഫിലിപ്പിൻസ് , സിറിയ, ശ്രീലങ്ക, , സൗദി,, നേപ്പാൾ, പാകിസ്ഥാൻ,ജോർദാൻ എന്നീ രാജ്യങ്ങളിൽ നിന്നുള്ളവരാണ്.സർക്കാർ സ്ഥാപനങ്ങളിലെ കുവൈത്തി ജീവനക്കാർ 78 ശതമാനവും പ്രവാസി ജീവനക്കാർ 22 ശതമാനമാണെന്നും സ്ഥിതിവിവരക്കണക്കുകൾ സൂചിപ്പിക്കുന്നു.അതേസമയം, സ്വകാര്യ മേഖലയിൽ ജോലി ചെയ്യുന്നത് വെറും 4 ശതമാനം കുവൈത്തി ജീവനക്കാർ മാത്രമാണ്.
കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ElaG9HX6VACJt6K2QWAEKx
Comments (0)