Pravasi Varthakal

ദോ​ഹ: വ​ലി​യ തു​ക​യു​ടെ ക​റ​ൻ​സി​യും സ്വ​ർ​ണ​വും മ​റ്റു വി​ല​പി​ടി​പ്പു​ള്ള രേ​ഖ​ക​ളു​മാ​യി രാ​ജ്യ​ത്തേ​ക്ക് പ്ര​വേ​ശി​ക്കു​ക​യും രാ​ജ്യ​ത്തു​നി​ന്ന് പു​റ​ത്തു​പോ​കു​ക​യും ചെ​യ്യു​ന്ന യാ​ത്ര​ക്കാ​ർ​ക്ക് മു​ന്ന​റി​യി​പ്പു​മാ​യി ക​സ്റ്റം​സ് അ​തോ​റി​റ്റി. 50,000 റി​യാ​ലോ അ​തി​ൽ കൂ​ടു​ത​ലോ മൂ​ല്യ​മു​ള്ള പ​ണ​മോ (11.70 ​ല​ക്ഷം രൂ​പ) വി​ല​പി​ടി​പ്പു​ള്ള രേ​ഖ​ക​ളോ, സ്വ​ർ​ണ​മോ, മൂ​ല്യ​മേ​റി​യ ര​ത്ന​ങ്ങ​ളോ കൈ​വ​ശം വെ​ക്കു​ന്ന​വ​ർ പാ​ലി​ക്കേ​ണ്ട ന​ട​പ​ടി​ക​ളെ​ക്കു​റി​ച്ചാ​ണ് യാ​ത്ര​ക്കാ​രെ അ​തോ​റി​റ്റി ഓ​ർ​മ​പ്പെ​ടു​ത്തു​ന്ന​ത്.

2019ലെ 20ാം ​ന​മ്പ​ർ നി​യ​മ​ത്തി​ന്റെ​യും 2019ലെ 41ാം ​ന​മ്പ​ർ കാ​ബി​ന​റ്റ് പ്ര​മേ​യ​ത്തി​ന്റെ​യും വ്യ​വ​സ്ഥ​ക​ൾ പ്ര​കാ​രം രാ​ജ്യ​ത്തേ​ക്ക് വ​രു​ന്ന​വ​രും ഇ​വി​ടെ നി​ന്ന് യാ​ത്ര​യാ​കു​ന്ന​വ​രും നി​ശ്ചി​ത സം​ഖ്യ​യോ ത​ത്തു​ല്യ​മാ​യ മൂ​ല്യ​മു​ള്ള​വ​യോ കൈ​വ​ശം വെ​ക്കു​ക​യാ​ണെ​ങ്കി​ൽ ക​സ്റ്റം​സ് ഡി​ക്ല​റേ​ഷ​ൻ ഫോ​റം പൂ​രി​പ്പി​ക്കേ​ണ്ട​ത് നി​ർ​ബ​ന്ധ​മാ​ണെ​ന്ന് ക​സ്റ്റം​സ് ജ​ന​റ​ൽ അ​തോ​റി​റ്റി അ​റി​യി​ച്ചു.

വി​മാ​ന​ത്താ​വ​ള​ത്തി​ലോ ക​ര അ​തി​ർ​ത്തി​യി​ലോ സ​മു​ദ്ര തു​റ​മു​ഖ​ങ്ങ​ളി​ലോ നേ​രി​ട്ടോ അ​ല്ലെ​ങ്കി​ൽ അ​തോ​റി​റ്റി​യു​ടെ വെ​ബ്‌​സൈ​റ്റ് വ​ഴി​യോ ക​സ്റ്റം​സ് ഡി​ക്ല​റേ​ഷ​ൻ ഫോ​റം പൂ​രി​പ്പി​ച്ചി​രി​ക്ക​ണം. മേ​ൽ​പ​റ​ഞ്ഞ മൂ​ല്യ​മേ​റി​യ വ​സ്തു​ക്ക​ൾ കൈ​വ​ശം വെ​ക്കു​ന്ന​തി​നു​ള്ള നി​യ​മ​പ​ര​മാ​യ പ്ര​ഖ്യാ​പ​ന​മാ​ണ് ക​സ്റ്റം​സ് ഡി​ക്ല​റേ​ഷ​ൻ ഫോ​റം. ക​സ്റ്റം​സ് ഓ​ഫി​സ​ർ ആ​വ​ശ്യ​പ്പെ​ടു​ന്ന വി​വ​ര​ങ്ങ​ളും ഇ​തോ​ടൊ​പ്പം ന​ൽ​കി​യി​രി​ക്ക​ണം.

നി​ശ്ചി​ത മൂ​ല്യ​മോ കൂ​ടു​ത​ലോ ഉ​ള്ള ഖ​ത്ത​ർ ക​റ​ൻ​സി​യോ മ​റ്റേ​തെ​ങ്കി​ലും രാ​ജ്യ​ത്തി​ന്റെ ക​റ​ൻ​സി​യോ ഡി​ക്ല​റേ​ഷ​ൻ ഇ​ല്ലാ​തെ കൈ​വ​ശം വെ​ക്കാ​ൻ പാ​ടി​ല്ല. ഡോ​ക്യു​മെ​ന്റ് രൂ​പ​ത്തി​ലു​ള്ള സാ​മ്പ​ത്തി​ക ഇ​ട​പാ​ടു​ക​ൾ, ചെ​ക്കു​ക​ൾ, പ്രോ​മി​സ​റി നോ​ട്ടു​ക​ൾ, പ​ണ​മി​ട​പാ​ട് ഓ​ർ​ഡ​റു​ക​ൾ എ​ന്നി​വ ഇ​തി​ലു​ൾ​പ്പെ​ടും. ലോ​ഹ​ങ്ങ​ളു​ടെ വി​ഭാ​ഗ​ത്തി​ൽ സ്വ​ർ​ണം, വെ​ള്ളി, പ്ലാ​റ്റി​നം പോ​ലു​ള്ള വി​ല​യേ​റി​യ​വ ഉ​ൾ​പ്പെ​ടും. വ​ജ്രം, മ​ര​ത​കം, മാ​ണി​ക്യം, മു​ത്തു​ക​ൾ എ​ന്നി​വ​യാ​ണ് ക​ല്ലു​ക​ളു​ടെ വി​ഭാ​ഗ​ത്തി​ൽ പെ​ടു​ന്ന​ത്.

ക​സ്റ്റം​സ് ഡി​ക്ല​റേ​ഷ​ൻ ഫോ​റം പൂ​രി​പ്പി​ക്കാ​തി​രി​ക്കു​ക​യോ തെ​റ്റാ​യ വി​വ​ര​ങ്ങ​ൾ ന​ൽ​കു​ക​യോ, ക​സ്റ്റം​സ് അ​ധി​കാ​രി​ക​ൾ ആ​വ​ശ്യ​പ്പെ​ടു​ന്ന അ​ധി​ക വി​വ​ര​ങ്ങ​ൾ ന​ൽ​കാ​തി​രി​ക്കു​ക​യോ ചെ​യ്താ​ൽ മൂ​ന്നു​വ​ർ​ഷം വ​രെ ത​ട​വും ല​ക്ഷം റി​യാ​ൽ മു​ത​ൽ അ​ഞ്ചു​ല​ക്ഷം റി​യാ​ൽ വ​രെ പി​ഴ​യും ചു​മ​ത്തും. അ​ല്ലെ​ങ്കി​ൽ പി​ടി​കൂ​ടി​യ മൂ​ല്യ​മേ​റി​യ വ​സ്തു​വി​ന് പു​റ​മേ പി​ടി​ച്ചെ​ടു​ത്ത​തി​ന്റെ ഇ​ര​ട്ടി മൂ​ല്യ​മു​ള്ള തു​ക​യോ പി​ഴ​യാ​യി ചു​മ​ത്താ​ൻ നി​യ​മം അ​നു​ശാ​സി​ക്കു​ന്നു.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BsQQXAGm9mT0SOeedQwTJt