ഖത്തറില്‍ സര്‍ക്കാര്‍ സേവനങ്ങളില്‍ 98.09 ശതമാനം പൊതുജനങ്ങളും സംതൃപ്തര്‍
ദോഹ ∙ ഖത്തറില്‍ കഴിഞ്ഞ മാസം പൂര്‍ത്തിയാക്കിയ സര്‍ക്കാര്‍ സേവനങ്ങളില്‍ 98.09 ശതമാനം പൊതുജനങ്ങളും സംതൃപ്തര്‍. ഏപ്രിലില്‍ സര്‍ക്കാര്‍ സേവന കേന്ദ്രങ്ങളിലെത്തിയ ഉപഭോക്താക്കള്‍ക്കിടയില്‍ നടത്തിയ അഭിപ്രായ സര്‍വേയിലാണ് സേവനങ്ങളില്‍ എത്രമാത്രം സംതൃപ്തരാണെന്ന് കണ്ടെത്തിയതെന്ന് സിവില്‍ സര്‍വീസ് ആന്‍ഡ് ഗവണ്‍മെന്റ് ഡവലപ്‌മെന്റ് ബ്യൂറോ (സിജിബി) വ്യക്തമാക്കി. ഏപ്രിലില്‍ 37,268 സേവനങ്ങളാണ് സര്‍ക്കാര്‍ കേന്ദ്രങ്ങളില്‍ പൂര്‍ത്തിയാക്കിയത്. സേവനങ്ങളില്‍ ശരാശരി ഉപഭോക്തൃ സംതൃപ്തി 98.09 ശതമാനമാണ്.
കഴിഞ്ഞ മാസം പൂര്‍ത്തിയാക്കിയ 37,268 സേവനങ്ങളില്‍ ഏറ്റവും കൂടുതല്‍ വിദേശകാര്യമന്ത്രാലയത്തിന്റേതാണ്-15,500. ഉപഭോക്താക്കളില്‍ നിന്നുള്ള 746 പ്രതികരണങ്ങളിലും 98.01 ശതമാനം പേരും സംതൃപ്തരാണ്. തൊഴില്‍ മന്ത്രാലയവുമായി ബന്ധപ്പെട്ടുള്ള 7,810 സേവനങ്ങളിലായി ലഭിച്ച 619 പ്രതികരണങ്ങളില്‍ 98.82 ശതമാനം പേരും തൃപ്തരാണ്. നീതിന്യായ മന്ത്രാലയം 6,268 സേവനങ്ങളുമാണ് പൂര്‍ത്തിയാക്കിയത്. ഇതില്‍ 432 പ്രതികരണങ്ങളില്‍ 97.23 ശതമാനം പേരും സംതൃപ്തരാണ്.
ഖത്തറിലെ വാർത്തകളും തൊഴിൽ അവസരങ്ങളും
അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BsQQXAGm9mT0SOeedQwTJt
Comments (0)