Kuwait agricultural production; 2026-ലെ ആദ്യ ഏഴ് മാസങ്ങളിൽ കുവൈറ്റിന്റെ കാർഷിക ഉൽപ്പാദനത്തിൽ ഗണ്യമായ കുറവ് രേഖപ്പെടുത്തിയതായി ജനറൽ അഡ്മിനിസ്ട്രേഷൻ ഓഫ് സ്റ്റാറ്റിസ്റ്റിക്സിന്റെ കണക്കുകൾ വ്യക്തമാക്കുന്നു. കഴിഞ്ഞ വർഷം ഇതേ കാലയളവിൽ 202,360 ടൺ ആയിരുന്ന ഉൽപ്പാദനം, ഈ വർഷം 12.65 ശതമാനം കുറഞ്ഞ് 176,760 ടണ്ണായി ചുരുങ്ങി. അതായത് ഏകദേശം 25,600 ടണ്ണിന്റെ കുറവാണ് ഉണ്ടായത്. ഉത്പാദനത്തിൽ കുറവ് രേഖപ്പെടുത്തിയെങ്കിലും, കാർഷിക ഉത്പന്നങ്ങളുടെ മൊത്തം വിപണി മൂല്യം 13.8 ശതമാനം വർധിച്ച് 23.946 ദശലക്ഷം ദിനാറായി ഉയർന്നു. കഴിഞ്ഞ വർഷം ഇത് 21.04 ദശലക്ഷം ദിനാർ ആയിരുന്നു. ഉത്പാദനച്ചെലവിലും വിപണിയിലെ വിലയിലുമുള്ള സമ്മർദ്ദമാണ് ഉത്പാദനം കുറഞ്ഞിട്ടും മൂല്യം വർധിക്കാൻ കാരണമെന്നാണ് വിലയിരുത്തപ്പെടുന്നത്. കഴിഞ്ഞ വർഷത്തെ അപേക്ഷിച്ച് ടണ്ണിന് ഏകദേശം 30.3 ശതമാനം അധികം മൂല്യം ലഭിക്കുന്നുണ്ട്. 70-ഓളം ഇനം പച്ചക്കറികളുടെയും പഴങ്ങളുടെയും കണക്കുകളാണ് ഇതിൽ ഉൾപ്പെടുന്നത്. തക്കാളിയാണ് ഏറ്റവും കൂടുതൽ ഉൽപ്പാദിപ്പിക്കപ്പെട്ട വിള. മൊത്തം ഉത്പാദനത്തിന്റെ മൂന്നിലൊന്ന് വരുന്ന 56,610 ടൺ തക്കാളിയാണ് ലഭിച്ചത് (മൂല്യം 7.93 ദശലക്ഷം ദിനാർ). വെള്ളരി (32,683 ടൺ), മുളക് (12,040 ടൺ) എന്നിവയാണ് തൊട്ടുപിന്നിൽ. തക്കാളി, വെള്ളരി, മുളക്, വഴുതനങ്ങ, ഉരുളക്കിഴങ്ങ്, ലെറ്റസ് എന്നീ ആറ് പ്രധാന വിളകൾ മാത്രമാണ് മൊത്തം ഉത്പാദനത്തിന്റെ 80.42 ശതമാനവും. അതേസമയം, വിദേശ വ്യാപാര രംഗത്ത്, 2026-ലെ ആദ്യ പാദത്തിൽ 139.835 ദശലക്ഷം ദിനാറിന്റെ കാർഷിക ഉത്പന്നങ്ങളാണ് കുവൈറ്റ് ഇറക്കുമതി ചെയ്തത്. ധാന്യങ്ങളാണ് ഇറക്കുമതിയിൽ മുന്നിൽ. എന്നാൽ, കയറ്റുമതി മൂല്യം ഏകദേശം 3.4 ദശലക്ഷം ദിനാർ മാത്രമാണ്. ജൂലൈ മാസത്തിൽ ഭക്ഷ്യ-പാനീയ പണപ്പെരുപ്പം 6 ശതമാനമായി ഉയർന്ന സാഹചര്യത്തിൽ, കാർഷിക മേഖല നേരിടുന്ന വിലക്കയറ്റവും ഉൽപ്പാദന പ്രതിസന്ധിയും കൂടുതൽ ശ്രദ്ധയാകർഷിക്കുകയാണ്. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1