പ്രവാസ സ്വപ്നങ്ങൾക്ക് കരുത്തേകാൻ – നോർകയുടെ ‘സുഭയാത്ര’ പദ്ധതി
വിദേശത്തേക്ക് തൊഴിൽ തേടി പോകാൻ ആഗ്രഹിക്കുന്ന മലയാളികൾക്ക് വലിയ ആശ്വാസം നൽകുന്ന പുതിയ പദ്ധതി പ്രഖ്യാപിച്ച് നോർക റൂട്ട്സ് രംഗത്ത്. ‘സുഭയാത്ര’ എന്ന പേരിലുള്ള ഈ പദ്ധതിയുടെ രജിസ്ട്രേഷൻ ഇപ്പോൾ ആരംഭിച്ചിരിക്കുകയാണ്.
പദ്ധതിയിൽ എന്തെല്ലാം ലഭിക്കും?
• യാത്രയ്ക്കുമുമ്പുള്ള പരിശീലനം: വിദേശത്തേക്കുള്ള യാത്രയിൽ പാലിക്കേണ്ട നിയമങ്ങൾ, ജോലി കരാറുകൾ, ആരോഗ്യ ഇൻഷുറൻസ്, സുരക്ഷാ നിർദ്ദേശങ്ങൾ തുടങ്ങി അനിവാര്യമായ അറിവുകൾ ലഭിക്കും.
• സാമ്പത്തിക സഹായം: വിസ, വിമാന ടിക്കറ്റ്, മെഡിക്കൽ പരിശോധന മുതലായ ചെലവുകൾക്കായി പരമാവധി ₹2 ലക്ഷം വരെ വായ്പ ലഭ്യമാകും.
• പലിശ ഇളവ്: വായ്പയ്ക്കുള്ള ആദ്യ 6 മാസത്തെ പലിശ സർക്കാർ വഹിക്കും. ശേഷിക്കുന്ന തുക 30 മാസത്തേക്ക് വെറും 4% പലിശ നിരക്കിൽ തിരിച്ചടക്കാം.
• വിദേശത്ത് അടിയന്തിര സഹായം: യാത്രയ്ക്കിടെ അപകടം സംഭവിച്ചാലോ ബാഗേജ് നഷ്ടപ്പെട്ടാലോ നിയമ സഹായം, മെഡിക്കൽ സഹായം തുടങ്ങി പല തരത്തിലുമുള്ള പിന്തുണ ലഭിക്കും.
ബന്ധപ്പെടാൻ
• ടോൾ ഫ്രീ നമ്പർ: 1800 425 3939
• വെബ്സൈറ്റ്: norkaroots.kerala.gov.in
Comments (0)