Pravasi Varthakal

ദുബായിലെ സ്വകാര്യ സ്കൂളുകളിൽ 2025-26 അധ്യയന വർഷത്തിൽ പതിവ് പരിശോധനകൾ ഉണ്ടാകില്ലെന്ന് നോളജ് ആൻഡ് ഹ്യൂമൻ ഡെവലപ്മെന്റ് അതോറിറ്റി (കെഎച്ഡിഎ) അറിയിച്ചു. വിദ്യാഭ്യാസ നിലവാരത്തിൽ ശ്രദ്ധ കേന്ദ്രീകരിച്ചുള്ള പ്രത്യേക സന്ദർശനങ്ങൾ അധികൃതർ ഇതിന് പകരം നടത്തും. സ്കൂളുകളുമായി കൂടുതൽ സഹകരിച്ച് മികച്ച വിദ്യാഭ്യാസം ഉറപ്പാക്കുന്നതിനെക്കുറിച്ച് ആലോചിക്കാനുള്ള അവസരമാണിതെന്ന് കെഎച്ഡിഎയിലെ ഉന്നത ഉദ്യോഗസ്ഥ ഫാത്മ ഇബ്രാഹിം ബെൽറേഹിഫ് പറഞ്ഞു. എജുക്കേൻ 33 എന്ന ദുബായ് ഗവൺമെന്റിന്റെ വിദ്യാഭ്യാസ പദ്ധതിയുടെ അടിസ്ഥാനത്തിലുള്ള ലക്ഷ്യബോധത്തോടെയുള്ള സന്ദർശനങ്ങളാകും കെഎച്ഡിഎ നടത്തുക.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

അധ്യാപകർ, രക്ഷിതാക്കൾ, വിദ്യാർഥികൾ എന്നിവരുൾപ്പെടെയുള്ള സ്കൂൾ സമൂഹത്തിന്റെ അഭിപ്രായങ്ങൾ കേട്ട് പുതിയ പദ്ധതികൾ രൂപീകരിക്കും. വിദ്യാർഥികളുടെ പഠന പുരോഗതി വിലയിരുത്തുന്നതിനായി എല്ലാ സ്കൂളുകളും പാഠ്യപദ്ധതിക്ക് അനുസൃതമായ ബാഹ്യ പരീക്ഷകൾ നടത്തണം. സെൽഫ് ഇവാലുവേഷൻ ഫോം (എസ്ഇഎഫ്) ഉപയോഗിച്ച് സ്കൂളുകൾ അവരുടെ പ്രവർത്തന റിപ്പോർട്ടുകൾ കെഎച്ഡിഎയ്ക്ക് സ്ഥിരമായി സമർപ്പിക്കണം. ഓരോ കുട്ടിക്കും ഉയർന്ന നിലവാരത്തിലുള്ള വിദ്യാഭ്യാസം നൽകുക എന്നതാണ് ഇതിലൂടെ ലക്ഷ്യമിടുന്നതെന്നും അവർ വ്യക്തമാക്കി.