പശ്ചിമേഷ്യയിലെ സംഘർഷസാഹചര്യങ്ങൾ കണക്കിലെടുത്ത് രാജ്യത്ത് ഭക്ഷ്യവസ്തുക്കളുടെയും അവശ്യസാധനങ്ങളുടെയും ലഭ്യത ഉറപ്പാക്കാൻ കുവൈത്ത് നടപടി ശക്തമാക്കി. സഹകരണ സംഘങ്ങളായ ജംഇയ്യകളിൽ ആവശ്യത്തിന് സാധനങ്ങൾ കരുതിവെക്കാനും നിലവിലുള്ള ശേഖരത്തിന്റെ സുരക്ഷയും ഗുണനിലവാരവും ഉറപ്പാക്കാനും സാമൂഹികകാര്യ മന്ത്രാലയം നിർദേശം നൽകി. മന്ത്രാലയത്തിലെ സാമ്പത്തിക, ഭരണകാര്യ, സഹകരണ വിഭാഗമാണ് ഇതുസംബന്ധിച്ച ഉത്തരവ് ജംഇയ്യ ഭരണസമിതികൾക്ക് കൈമാറിയത്. സംഭരിച്ചിട്ടുള്ള ഭക്ഷ്യവസ്തുക്കളുടെ കാലാവധി കൃത്യമായി പരിശോധിക്കണം. ഉപയോഗയോഗ്യമല്ലാത്ത ഉൽപ്പന്നങ്ങൾ വിതരണം ചെയ്യപ്പെടുന്നില്ലെന്ന് ഉറപ്പാക്കണമെന്നും നിർദേശമുണ്ട്. അടിയന്തര സാഹചര്യമുണ്ടായാൽ ഉടൻ പ്രവർത്തനസജ്ജമാകാൻ സെൻട്രൽ മാർക്കറ്റുകൾക്കും സഹകരണ സംഘങ്ങൾക്കും നിർദേശം നൽകിയിട്ടുണ്ട്.

അടിയന്തര സാഹചര്യങ്ങൾ നേരിടുന്നതിനുള്ള പദ്ധതികൾ സജീവമാക്കാൻ സാമൂഹികകാര്യ മന്ത്രി ഡോ. അംഥാൽ അൽ ഹുവൈല മന്ത്രാലയത്തിലെ ഉന്നത ഉദ്യോഗസ്ഥർക്ക് നിർദേശം നൽകി. വിപണിയിൽ അവശ്യസാധനങ്ങളുടെ ക്ഷാമം ഉണ്ടാകാതിരിക്കാനും വിതരണശൃംഖല തടസ്സമില്ലാതെ മുന്നോട്ടുപോകാനും സ്ഥിതിഗതികൾ നിരന്തരം നിരീക്ഷിച്ചുവരികയാണ്. അതേസമയം, പൊതുജനങ്ങളുടെ സുരക്ഷ ഉറപ്പാക്കുന്നതിന്റെ ഭാഗമായി അഭയകേന്ദ്രങ്ങളും വിപുലീകരിക്കുന്നുണ്ട്. വിവിധ ഗവർണറേറ്റുകളിലെ സ്കൂളുകളിലായി ജംഇയ്യകളുടെ സഹകരണത്തോടെ 95 അഭയകേന്ദ്രങ്ങൾ ഇതിനകം സജ്ജമാക്കിയിട്ടുണ്ട്. ഇവയുടെ പ്രവർത്തനവും സൗകര്യങ്ങളും വിലയിരുത്താൻ ജനറൽ ഡയറക്ടറേറ്റ് ഓഫ് സിവിൽ ഡിഫൻസുമായി മന്ത്രാലയം ഉന്നതതല യോഗം ചേർന്നു. കൂടുതൽ ആളുകൾക്ക് സുരക്ഷിതമായി അഭയം നൽകുന്നതിനായി മൂന്ന് പുതിയ കേന്ദ്രങ്ങൾ കൂടി ഉടൻ ആരംഭിക്കാനും യോഗത്തിൽ തീരുമാനമായി. ഇതോടെ രാജ്യത്തെ അഭയകേന്ദ്രങ്ങളുടെ എണ്ണം 98 ആയി ഉയരും.കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1

കുവൈത്തിലെ പുതിയ ജോലി അവസരങ്ങൾ അറിയുവാൻ ഇവിടെ ക്ലിക്ക് ചെയ്യുക

കുവൈറ്റ് ആകാശത്ത് മിസൈൽ ആക്രമണം; 24 മണിക്കൂറിനിടെ 5 ബാലിസ്റ്റിക് മിസൈലുകളും 7 ഡ്രോണുകളും വെടിവെച്ചിട്ട് വ്യോമപ്രതിരോധ സേന

കുവൈറ്റിന്റെ ആകാശപരിധി ലക്ഷ്യമിട്ടെത്തിയ വൻ വ്യോമാക്രമണ ശ്രമങ്ങളെ രാജ്യം വിജയകരമായി പ്രതിരോധിച്ചു. കഴിഞ്ഞ 24 മണിക്കൂറിനിടെ അഞ്ച് ബാലിസ്റ്റിക് മിസൈലുകളെയും ഏഴ് ഡ്രോണുകളെയുമാണ് കുവൈറ്റ് വ്യോമപ്രതിരോധ സേന ആകാശത്തുവെച്ച് തന്നെ തകർത്തത്. ശത്രുരാജ്യങ്ങളുടെ ഭാഗത്തുനിന്നുണ്ടായ പ്രകോപനങ്ങളെ അതിശക്തമായ രീതിയിൽ നേരിടാൻ രാജ്യത്തിന്റെ പ്രതിരോധ സംവിധാനങ്ങൾക്ക് സാധിച്ചു എന്നത് സൈന്യത്തിന്റെ കരുത്ത് തെളിയിക്കുന്ന ഒന്നായി മാറി. രാജ്യത്തെ തന്ത്രപ്രധാനമായ കേന്ദ്രങ്ങളെയും ജനവാസ മേഖലകളെയും ലക്ഷ്യമാക്കിയാണ് ഈ ആക്രമണങ്ങൾ ആസൂത്രണം ചെയ്തിരുന്നത്. എന്നാൽ അത്യാധുനികമായ റഡാർ സംവിധാനങ്ങളും മിസൈൽ പ്രതിരോധ കവചങ്ങളും കൃത്യസമയത്ത് പ്രവർത്തിച്ചതോടെ വലിയൊരു ദുരന്തമാണ് ഒഴിവായത്. വെടിവെച്ചിട്ട മിസൈലുകളുടെയും ഡ്രോണുകളുടെയും അവശിഷ്ടങ്ങൾ വിജനമായ പ്രദേശങ്ങളിൽ വീണതായാണ് റിപ്പോർട്ടുകൾ സൂചിപ്പിക്കുന്നത്. സംഭവത്തിൽ ആർക്കും പരിക്കേൽക്കുകയോ നാശനഷ്ടങ്ങൾ സംഭവിക്കുകയോ ചെയ്തിട്ടില്ലെന്ന് ഔദ്യോഗിക വൃത്തങ്ങൾ വ്യക്തമാക്കി. മേഖലയിൽ നിലനിൽക്കുന്ന സംഘർഷാവസ്ഥയുടെ പശ്ചാത്തലത്തിൽ കുവൈറ്റ് സൈന്യം അതീവ ജാഗ്രതയിലാണ്. ഏത് തരത്തിലുള്ള അപ്രതീക്ഷിത ആക്രമണങ്ങളെയും നേരിടാൻ രാജ്യം സുസജ്ജമാണെന്ന് സൈനിക വക്താവ് അറിയിച്ചു. അതിർത്തികളിലും ആകാശപരിധിയിലും നിരീക്ഷണം ശക്തമാക്കിയിരിക്കുകയാണ്. ജനങ്ങൾ പരിഭ്രാന്തരാകേണ്ടതില്ലെന്നും ഔദ്യോഗിക അറിയിപ്പുകൾ മാത്രം ശ്രദ്ധിക്കണമെന്നും അധികൃതർ നിർദ്ദേശിച്ചു. വരും ദിവസങ്ങളിലും സുരക്ഷാ പരിശോധനകളും നിരീക്ഷണങ്ങളും കർശനമായി തുടരാനാണ് പ്രതിരോധ മന്ത്രാലയത്തിന്റെ തീരുമാനം. കുവൈത്തിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/ENPscRffOwo5x6O0PjsEUa?s=cl&p=a&ilr=1