Pravasi Varthakal

അബുദാബിയിൽ ഇന്നത്തെ പോലെ നാളെയും (10) കടുത്ത ചൂടും ഉയർന്ന ഈർപ്പവുമുള്ള കാലാവസ്ഥ തുടരുമെന്ന് ദേശീയ കാലാവസ്ഥാ നിരീക്ഷണ കേന്ദ്രം (എൻസിഎം) അറിയിച്ചു. രാജ്യത്ത് വേനൽക്കാലത്തിന്റെ തീവ്രത വർധിക്കുന്ന ‘ജംറത്ത് അൽ ഖയ്ത്ത്’ കാലഘട്ടത്തിലൂടെയാണ് നിലവിൽ കടന്നുപോകുന്നത്. രാജ്യത്ത് ഇന്ന് പൊതുവെ തെളിഞ്ഞ കാലാവസ്ഥയായിരുന്നു. എങ്കിലും ചില കിഴക്കൻ പ്രദേശങ്ങളിൽ മേഘങ്ങൾ കാണപ്പെടാൻ സാധ്യതയുണ്ട്. തീരപ്രദേശങ്ങളിലും ഉൾപ്രദേശങ്ങളിലും രാത്രിയിലും നാളെ രാവിലെയും ഈർപ്പം വർധിക്കാനും മൂടൽമഞ്ഞ് രൂപപ്പെടാനും സാധ്യത കാണുന്നു. ദുബായിൽ പകൽ സമയത്ത് 40°സെൽഷ്യസ് വരെയും അബുദാബിയിൽ 41°സെൽഷ്യസ് വരെയും താപനില രേഖപ്പെടുത്തിയതായി കാലാവസ്ഥാ നിരീക്ഷകർ മുന്നറിയിപ്പ് നൽകുന്നു. കാറ്റിന്റെ വേഗം മണിക്കൂറിൽ 10-25 കി.മീ മുതൽ ചിലപ്പോൾ 35 കി.മീ വരെയാകാം. കടൽ പൊതുവെ ശാന്തമായിരിക്കും. നാളെയും സമാനമായ കാലാവസ്ഥയാണ് പ്രതീക്ഷിക്കുന്നത്. പൊതുവെ തെളിഞ്ഞ ആകാശമായിരിക്കും. എന്നാൽ കിഴക്കൻ ഭാഗങ്ങളിൽ ഭാഗികമായി മേഘാവൃതമാകാൻ സാധ്യതയുണ്ട്. താപനിലയിൽ നേരിയ വർധനവ് രേഖപ്പെടുത്താൻ സാധ്യത. ദുബായിൽ പരമാവധി താപനില 40°സെൽഷ്യസ് കടക്കാനും അബുദാബിയിൽ ഇത് 42°സെൽഷ്യസ് വരെ എത്താനും സാധ്യതയുണ്ട്.

ഈർപ്പത്തിന്റെ സാന്നിധ്യം കാരണം യഥാർഥത്തിൽ അനുഭവപ്പെടുന്ന ചൂട് ഇതിലും അധികമാകാം. നേരിയതോ മിതമായതോ ആയ തെക്കുപടിഞ്ഞാറൻ കാറ്റ് വടക്കുപടിഞ്ഞാറൻ ദിശയിലേക്ക് വീശിയേക്കാം. കടൽ പൊതുവെ ശാന്തമായി തുടരും. കടുത്ത ചൂടും ഉയർന്ന ഈർപ്പവും തുടരുന്ന സാഹചര്യത്തിൽ പൊതുജനങ്ങൾ ജാഗ്രത പാലിക്കണമെന്ന് ആരോഗ്യ അധികൃതരും കാലാവസ്ഥാ വകുപ്പും നിർദേശിച്ചിട്ടുണ്ട്.

ശ്രദ്ധിക്കേണ്ട കാര്യങ്ങൾ
∙പകൽ സമയത്ത് നേരിട്ടുള്ള സൂര്യപ്രകാശം ഏൽക്കുന്നത് പരമാവധി ഒഴിവാക്കുക.
∙പുറത്തിറങ്ങുമ്പോൾ കുടയോ തൊപ്പിയോ ഉപയോഗിക്കുക.
∙ധാരാളം വെള്ളം കുടിച്ച് ശരീരത്തിലെ ജലാംശം നിലനിർത്തുക.
∙ഉച്ചസമയത്ത് കഠിനമായ ജോലികളോ വ്യായാമങ്ങളോ ഒഴിവാക്കുക.

കുട്ടികളെയും വളർത്തുമൃഗങ്ങളെയും അടച്ചിട്ട വാഹനങ്ങളിൽ ഒരു കാരണവശാലും ഇരുത്തരുത്. ഈ വേനൽക്കാലത്ത്, താപനില 50°സെൽഷ്യസ് വരെ ഉയരാൻ സാധ്യതയുണ്ടെന്നും അതിനാൽ എല്ലാവരും സുരക്ഷിതരായിരിക്കാൻ മുൻകരുതലുകൾ എടുക്കണമെന്നും അധികൃതർ ആവർത്തിച്ച് ഓർമിപ്പിച്ചു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

ബുർജ് ഖലീഫ കാണാൻ ആഗ്രഹമുണ്ടോ? എന്നാൽ ഇനി നിങ്ങളുടെ റൂമിലിരുന്ന് കാണാം; ഉടൻ ഡൗൺലോഡ് ചെയ്യൂ

യുവതിയെ ഫോണിലൂടെ അസഭ്യം പറഞ്ഞു; യുഎഇയിൽ യുവാവിന് 7,000 ദിർഹം നഷ്ടപരിഹാരം

ശുഭയാത്ര അന്ത്യയാത്രയായി; യുഎഇയിൽ മറൈൻ എഞ്ചിനീയറായ ഇന്ത്യക്കാരന്റെ മരണത്തിൽ ദുരൂഹത; വ്യക്തത തേടി കുടുംബം