Pravasi Varthakal

ഫുജൈറ അന്താരാഷ്ട്ര വിമാനത്താവളത്തിൽ വെച്ച് രാജ്യത്തേക്ക് ഹെറോയിൻ കടത്താൻ ശ്രമിച്ച ഒരു യാത്രക്കാരനെ പിടികൂടി. ഏഷ്യക്കാരനായ യാത്രക്കാരൻ വലിയ അളവിൽ ഭക്ഷണപദാര്‍ഥങ്ങൾ കൈവശം വയ്ക്കുന്നതായി കണ്ടെത്തി. 6,000 കാപ്സ്യൂളുകൾ അടങ്ങിയ 100 കണ്ടെയ്നറുകളും പൊടി രൂപത്തിലുള്ള 70 അധിക ബാഗ് ഡയറ്ററി സപ്ലിമെന്റുമാണ് കണ്ടെത്തിയത്. തുടർന്ന്, അധികൃതർ സപ്ലിമെന്റുകൾ പരിശോധിച്ചപ്പോൾ അവയിൽ മയക്കുമരുന്ന് പദാർഥമായ ഹെറോയിൻ സാന്നിധ്യം കണ്ടെത്തി. ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റിയിലെ ജനറൽ ഡയറക്ടറേറ്റ് ഓഫ് പോർട്ട്സ്, ഫുജൈറ ഇന്റർനാഷണൽ എയർപോർട്ടുമായി സഹകരിച്ച് ആ ശ്രമം പരാജയപ്പെടുത്തി. കള്ളക്കടത്ത് ശ്രമം പരാജയപ്പെടുത്തുന്നത് വിമാനത്താവളങ്ങളിലെ കസ്റ്റംസ് പരിശോധനാ ഉദ്യോഗസ്ഥരുടെ ജാഗ്രതയും കാര്യക്ഷമതയും മയക്കുമരുന്ന് വസ്തുക്കൾ കണ്ടെത്തുന്നതിൽ ആധുനിക സ്മാർട്ട് ഉപകരണങ്ങൾ ഉപയോഗിക്കുന്നതിന്റെ ഫലപ്രാപ്തിയും ഉൾക്കൊള്ളുന്നെന്ന് അതോറിറ്റി സ്ഥിരീകരിച്ചു. ഇത് സമൂഹ സുരക്ഷ വർധിപ്പിക്കുന്നതിനും കള്ളക്കടത്ത് ശ്രമങ്ങളെ നേരിടുന്നതിനും സഹായിക്കുന്നു.യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g