Pravasi Varthakal

ദുബൈയിലെ ബുർജ് ഖലീഫയിൽ ​ഗർബ നൃത്തം ചെയ്തതിന് ഇന്ത്യക്കാരായ വിനോദ സഞ്ചാരികൾക്കെതിരെ സാമൂഹിക മാധ്യമങ്ങളിൽ പ്രതിഷേധം. ബുർജ് ഖലീഫയുടെ വ്യൂവിങ് ഡെക്കിലാണ് ഇവർ ​ഗർബ നൃത്തം അവതരിപ്പിച്ചത്. ബോളിവുഡ് ​ഗാനമായ ചോ​ഗ‍‍ഡയ്ക്കാണ് ചുവടുകൾ വെച്ചത്. ഇവർ നൃത്തം ചെയ്യുന്നതിന്റെ വീഡിയോ സാമൂഹിക മാധ്യമങ്ങളിൽ പ്രചരിച്ചിരുന്നു. ഇതോടെയാണ് പ്രതിഷേധം ഉയർന്നത്.

മഞ്ഞ നിറത്തിലുള്ള ടി ഷർട്ടുകൾ അണിഞ്ഞ് സംഘം ചേർന്നാണ് എല്ലാവരും നൃത്തം ചെയ്തത്. ഇതിന്റെ വീഡിയോ ദുബൈയിലുള്ള ഒരു കണ്ടന്റ് ക്രിയേറ്ററാണ് ഇൻസ്റ്റ​ഗ്രാമിൽ പങ്കുവെച്ചത്. നിമിഷനേരങ്ങൾ കൊണ്ട് വീഡിയോ വൈറലാകുകയായിരുന്നു. വീഡിയോക്കെതിരെ നിരവധി പേരാണ് പ്രതികരിച്ചത്. പൊതുയിടങ്ങളിൽ ഇത്തരം നൃത്തങ്ങൾ ചെയ്യുന്നത് ഉചിതമായ കാര്യമല്ലെന്നും മറ്റുള്ളവർക്ക് ശല്യമാകും വിധത്തിൽ പൊതുസ്ഥലങ്ങളിൽ പ്രവർത്തിക്കരുതെന്നും ചിലർ പ്രതികരിച്ചു. ഇന്ത്യക്കാർക്കാകെ ചീത്തപ്പേര് നൽകുന്നതാണ് ഈ വീഡിയോ എന്നാണ് ചിലർ പ്രതികരിച്ചത്. വിനോദ സഞ്ചാരികൾ ഒരു രാജ്യം സന്ദർശിക്കാനെത്തുമ്പോൾ അവിടുത്തെ രീതികളെയും പ്രധാന ലാൻഡ് മാർക്കുകളിൽ നിലനിർത്തിപ്പോരുന്ന അന്തരീക്ഷത്തെയും ബഹുമാനിക്കണമെന്നും ചിലർ അഭിപ്രായപ്പെട്ടു.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

ബുർജ് ഖലീഫ കാണാൻ ആഗ്രഹമുണ്ടോ? എന്നാൽ ഇനി നിങ്ങളുടെ റൂമിലിരുന്ന് കാണാം; ഉടൻ ഡൗൺലോഡ് ചെയ്യൂ

നാളെ മുതൽ 15% രാജ്യാന്തര സർവീസുകൾ വെട്ടിക്കുറയ്ക്കും: എയർ ഇന്ത്യയ്ക്ക് വില്ലനായത് സർവീസ് മുടക്കം