Pravasi Varthakal

ദോ​ഹ: റേ​സി​ങ് ട്രാ​ക്കി​ൽ മി​ന്നി​ൽ വേ​ഗ​ത്തി​ൽ ചീ​റി​പ്പാ​യു​ന്ന കാ​റോ​ട്ട​ക്കാ​ർ മാ​റ്റു​ര​ക്കു​ന്ന ഫോ​ർ​മു​ല വ​ൺ കാ​റോ​ട്ട പ​ര​മ്പ​ര​യി​ലെ ഖ​ത്ത​ർ ഗ്രാ​ൻ​ഡ്പ്രീ പോ​രാ​ട്ട​ങ്ങ​ൾ​ക്കാ​യി ലു​സൈ​ൽ അ​ന്താ​രാ​ഷ്ട്ര സ​ർ​ക്യൂ​ട്ട് ഒ​രു​ങ്ങി. സീ​സ​ണി​ലെ 23ാമാ​ത്തെ ഗ്രാ​ൻ​ഡ്പ്രീ പോ​രാ​ട്ട​ത്തി​നാ​ണ് ഖ​ത്ത​ർ വേ​ദി​യാ​കു​ന്ന​ത്. ഖ​ത്ത​റും, പി​ന്നാ​ലെ അ​ബൂ​ദ​ബി​യും ക​ഴി​യു​ന്ന​തോ​ടെ സീ​സ​ൺ പോ​രാ​ട്ട​ങ്ങ​ൾ​ക്ക് കൊ​ടി​യി​റ​ങ്ങും. സീ​സ​ണി​ലെ കി​രീ​ട നി​ർ​ണ​യം ക​ഴി​ഞ്ഞാ​ണ് ലോ​ക​ത്തി​ലെ അ​തി​വേ​ഗ​ക്കാ​രാ​യ ഡ്രൈ​വ​ർ​മാ​ർ ഖ​ത്ത​റി​ലേ​ക്ക് വി​മാ​നം ക​യ​റു​ന്ന​ത്. ലാ​സ് വെ​ഗാ​സ് ഗ്രാ​ൻ​ഡ്പ്രീ​യോ​ടെ ത​ന്നെ സീ​സി​ണ​ലെ കി​രീ​ടം റെ​ഡ്ബു​ള്ളി​ന്റെ മാ​ക്സ് വെ​സ്റ്റ​പ്പ​ൻ ഉ​റ​പ്പി​ച്ചു ക​ഴി​ഞ്ഞു. ഖ​ത്ത​ർ ഉ​ൾ​പ്പെ​ടെ ര​ണ്ട് ഗ്രാ​ൻ​ഡ്പ്രീ​ക​ൾ ബാ​ക്കി​നി​ൽ​ക്കെ എ​ഫ്.​വ​ൺ കി​രീ​ട​പ്പോ​രാ​ട്ട​ത്തി​ൽ വെ​സ്റ്റ​പ്പ​ന് 403ഉം, ​ര​ണ്ടാ​മ​തു​ള്ള ലാ​ൻ​ഡോ നോ​റി​സി​ന് 340ഉം ​പോ​യ​ന്റാ​ണു​ള്ള​ത്. ന​വം​ബ​ർ 29മു​ത​ൽ ഡി​സം​ബ​ർ ഒ​ന്നു വ​രെ​യാ​ണ് ലു​സൈ​ൽ അ​ന്താ​രാ​ഷ്ട്ര സ​ർ​ക്യൂ​ട്ട് വേ​ദി​യാ​കു​ന്ന ​ഫോ​ർ​മു​ല വ​ൺ ഖ​ത്ത​ർ ഗ്രാ​ൻ​ഡ് പ്രീ ​പോ​രാ​ട്ട​ങ്ങ​ൾ. റേ​സ​ർ​മാ​രു​ടെ കാ​റു​ക​ളും ദോ​ഹ​യി​ലെ​ത്തി തു​ട​ങ്ങി. ക​ഴി​ഞ്ഞ ദി​വ​സ​ങ്ങ​ളി​ൽ വ​ലി​യ സു​ര​ക്ഷ സ​ജ്ജീ​ക​ര​ണ​ങ്ങ​ളോ​ടെ മ​ത്സ​ര​യോ​ട്ട കാ​റു​ക​ൾ വ​ന്നി​രു​ന്നു. എ​ഫ് വ​ൺ മ​ത്സ​ര​ങ്ങ​ൾ​ക്ക് സാ​ക്ഷി​യാ​വാ​നു​ള്ള ടി​ക്ക​റ്റ് വി​ൽ​പ​ന​യും പു​രോ​ഗ​മി​ക്കു​ന്നു​ണ്ട്. മൂ​ന്ന് ദി​ന​ങ്ങ​ളി​ലാ​യു​ള്ള ഗ്രാ​ൻ​ഡ് സ്റ്റാ​ൻ​ഡ് ടി​ക്ക​റ്റ്, ഓ​രോ ദി​വ​സ​വും പ്ര​വേ​ശ​ന​മു​ള്ള സിം​ഗ്ൾ ഡേ ​ടി​ക്ക​റ്റും ല​ഭ്യ​മാ​ണ്.
മൂ​ന്നു ദി​ന​ങ്ങ​ളി​ലാ​യി ന​ട​ക്കു​ന്ന ചാ​മ്പ്യ​ൻ​ഷി​പ്പി​ന് വി​പു​ല​മാ​യ സ​ജ്ജീ​ക​ര​ണ​ങ്ങ​ളാ​ണ് റേ​സി​ങ് വേ​ദി​യി​ൽ ഒ​രു​ക്കി​യ​ത്. ​ട്രാ​ക്കി​ലെ ആ​വേ​ശ​പ്പൂ​രം കാ​ണു​ന്ന​തി​നൊ​പ്പം കാ​റോ​ട്ട മ​ത്സ​രം വി​വി​ധ വി​നോ​ദ​ങ്ങ​ളി​ലൂ​ടെ അ​നു​ഭ​വി​ച്ച​റി​യാ​നും ഇ​ത്ത​വ​ണ സൗ​ക​ര്യ​മൊ​രു​ക്കി​യി​ട്ടു​ണ്ട്. ഇ​തി​ന്റെ വി​ശ​ദാം​ശ​ങ്ങ​ൾ സം​ഘാ​ട​ക​ർ പ്ര​ഖ്യാ​പി​ച്ചു. ആ​ദ്യ ദി​ന​മാ​യ വെ​ള്ളി​യാ​ഴ്ച12 വ​യ​സ്സി​നു താ​ഴെ​യു​ള്ള കു​ട്ടി​ക​ൾ​ക്ക് ഹ​സം ഡി​സ്ട്രി​ക്ടി​ലേ​ക്ക് സൗ​ജ​ന്യ പ്ര​വേ​ശ​നം ന​ൽ​കു​മെ​ന്ന് അ​ധി​കൃ​ത​ർ അ​റി​യി​ച്ചു. പ്ര​വേ​ശ​ന ടി​ക്ക​റ്റു​ള്ള ര​ക്ഷി​താ​ക്ക​ൾ​ക്കൊ​പ്പ​മാ​ണ് കു​ട്ടി​ക​ൾ​ക്ക് സൗ​ജ​ന്യ പ്ര​വേ​ശ​നം ന​ൽ​കു​ന്ന​ത്. വി​വി​ധ വി​നോ​ദ​ങ്ങ​ൾ ഉ​ൾ​പ്പെ​ടെ പ​രി​പാ​ടി​ക​ളും ഫാ​ൻ സോ​ണി​ൽ സ​ജ്ജീ​ക​രി​ച്ചി​ട്ടു​ണ്ട്.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ
https://chat.whatsapp.com/BOByB6myzyU1Fatwu5qtIZ