ഇന്ത്യൻ ഗവൺമെന്റിന്റെ eSanjeevaniOPD എന്ന ദേശീയ ടെലി കൺസൾട്ടേഷൻ സേവനത്തിലൂടെ, ഡോക്ടറെ കാണാൻ ഇനി ആശുപത്രിയിലേക്ക് പോകേണ്ട ആവശ്യം വരുന്നില്ല. നിങ്ങളുടെ വീട്ടിലിരുന്ന്, മൊബൈൽ ഫോൺ വഴി ഡോക്ടറുമായി സംസാരിക്കാനും ചികിത്സ തേടാനുമുള്ള എളുപ്പവഴിയാണിത്.
കേന്ദ്ര ആരോഗ്യ കുടുംബക്ഷേമ മന്ത്രാലയം ഒരുക്കുന്ന ഈ സംവിധാനം, രോഗികൾക്ക് സുരക്ഷിതവും, സൗജന്യവും, ചിട്ടയായതുമായ വീഡിയോ കൺസൾട്ടേഷൻ വഴി ആരോഗ്യ സേവനങ്ങൾ ലഭ്യമാക്കുക എന്ന ലക്ഷ്യത്തോടെയാണ് പ്രവർത്തിക്കുന്നത്. മൊഹാലിയിലെ സെന്റർ ഫോർ ഡെവലപ്‌മെന്റ് ഓഫ് അഡ്വാൻസ്ഡ് കമ്പ്യൂട്ടിംഗ് (C-DAC) ആണ് ഈ വെബ് അധിഷ്ഠിത പ്ലാറ്റ്ഫോം വികസിപ്പിച്ചത്.
പ്രധാന സവിശേഷതകൾ:
രജിസ്ട്രേഷൻ: വ്യക്തിഗതമായോ, കുടുംബാംഗങ്ങൾക്ക് വേണ്ടിയോ, സ്ഥാപനങ്ങൾ വഴിയോ (വൃദ്ധസദനങ്ങൾ, അനാഥാലയങ്ങൾ) രജിസ്റ്റർ ചെയ്യാം.
ക്യൂ സിസ്റ്റം: ചിട്ടയായ ക്യൂ മാനേജ്മെന്റ് സംവിധാനം.
സംസാരം: ഡോക്ടറുമായി നേരിട്ടുള്ള വീഡിയോ കൺസൾട്ടേഷനും ടെക്സ്റ്റ് മെസ്സേജ് സംവിധാനവും.
കുറിപ്പടി: ഇലക്ട്രോണിക് കുറിപ്പടി (ഇ-പ്രിസ്ക്രിപ്ഷൻ).
സർക്കാർ സേവനം: സർക്കാർ ഡോക്ടർമാരുടെ സേവനം ലഭ്യമാണ്.
ചെലവ്: ഇതൊരു സൗജന്യ സേവനമാണ്.
അറിയിപ്പുകൾ: എസ്എംഎസ് വഴി അറിയിപ്പുകൾ ലഭിക്കും.
സേവനം ഉപയോഗിക്കേണ്ട വിധം:
രജിസ്ട്രേഷൻ: നിങ്ങളുടെ മൊബൈൽ നമ്പർ ഉപയോഗിച്ച് OTP വെരിഫൈ ചെയ്ത് ഫോം പൂരിപ്പിക്കുക. രജിസ്റ്റർ ചെയ്യുമ്പോൾ ഒരു പേഷ്യന്റ് ഐഡി ലഭിക്കും.
ടോക്കൺ: കൺസൾട്ടേഷനായി ഒരു ടോക്കൺ എടുക്കുക. ആവശ്യമുണ്ടെങ്കിൽ പഴയ ആരോഗ്യ രേഖകൾ അപ്‌ലോഡ് ചെയ്യാം. ടോക്കൺ നമ്പറും പേഷ്യന്റ് ഐഡിയും SMS ആയി ലഭിക്കും.
പ്രവേശനം: നിങ്ങളുടെ ഊഴമാകുമ്പോൾ ലോഗിൻ ചെയ്യാൻ ആവശ്യപ്പെട്ടുകൊണ്ടുള്ള SMS വരും. പേഷ്യന്റ് ഐഡി ഉപയോഗിച്ച് ലോഗിൻ ചെയ്താൽ നിങ്ങൾ ക്യൂവിൽ പ്രവേശിക്കും.
കാത്തിരിപ്പ്: ക്യൂവിന്റെ ദൈർഘ്യമനുസരിച്ച് കാത്തിരിക്കുക. ഡോക്ടറെ തിരഞ്ഞെടുത്തു കഴിഞ്ഞാൽ, “CALL NOW” ബട്ടൺ ആക്ടിവേറ്റ് ചെയ്യും. അതിൽ ക്ലിക്ക് ചെയ്താൽ 10 സെക്കൻഡിനുള്ളിൽ വീഡിയോ കോളിൽ ഡോക്ടറെ കാണാം.
കൺസൾട്ടേഷൻ & ഇ-പ്രിസ്ക്രിപ്ഷൻ: ഡോക്ടറുമായി സംസാരിക്കുക. കൺസൾട്ടേഷൻ കഴിഞ്ഞാൽ, ഡോക്ടർ തയ്യാറാക്കുന്ന ഇ-പ്രിസ്ക്രിപ്ഷൻ നിങ്ങളുടെ സ്ക്രീനിൽ ലഭിക്കും. അത് സേവ് ചെയ്യുകയോ പ്രിന്റ് എടുക്കുകയോ ചെയ്യാം. ഡൗൺലോഡ് ചെയ്യാനുള്ള ലിങ്ക് SMS ആയും ലഭിക്കുന്നതാണ്.
DOWNLOAD NOW
ANDROID https://play.google.com/store/apps/details?id=hied.esanjeevaniabopd.com&hl=en_IN
IPHONE
