ആഹാഹാ! കോളടിച്ചല്ലോ; യുഎഇയിലെ യാത്രക്കാർക്ക് സൗജന്യ സമ്മാനങ്ങൾ, സിനിമ ടിക്കറ്റിലും ഓൺലൈൻ ഓർഡറുകളിലും വമ്പൻ കിഴിവുകൾ, RTAയുടെ പ്രഖ്യാപനം അറിഞ്ഞോ?
ദുബായ്: റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) സ്ഥാപിതമായതിന്റെ ഇരുപതാം വാർഷികം ആഘോഷിക്കുന്നു. ഈ ആഘോഷം താമസക്കാർക്ക് അവിസ്മരണീയമാക്കാൻ സൗജന്യ സമ്മാനങ്ങളും ആകർഷകമായ ഓഫറുകളുമാണ് RTA പ്രഖ്യാപിച്ചിരിക്കുന്നത്.
ദുബായ് മെട്രോ, ട്രാം, ബസ് യാത്രക്കാർ, ദുബായ് വിമാനത്താവളത്തിൽ എത്തുന്നവർ എന്നിവർക്കെല്ലാം ഈ വാർഷികാഘോഷങ്ങളുടെ ഭാഗമാകാൻ RTA അവസരം ഒരുക്കിയിട്ടുണ്ട്. സിനിമ ടിക്കറ്റുകളിലും ഓൺലൈൻ പർച്ചേസുകളിലും വമ്പൻ കിഴിവുകൾ നേടാനും അവസരമുണ്ട്.
RTA യുടെ പ്രധാന ഓഫറുകൾ:
യാത്രക്കാർക്കുള്ള സമ്മാനങ്ങളും മത്സരങ്ങളും:
ദുബായ് ട്രാം (ഒക്ടോബർ 22 മുതൽ നവംബർ 2 വരെ): ട്രാം പതിവായി ഉപയോഗിക്കുന്നവർക്ക് ‘എന്റർടെയ്‌നർ യു.എ.ഇ. 2026 ബുക്ക്‌ലെറ്റ്’ സ്വന്തമാക്കാം. ഇതിൽ 10,000-ൽ അധികം ‘ഒന്നിനൊപ്പം ഒന്ന് സൗജന്യം’ (2-for-1) ഓഫറുകൾ ഉൾപ്പെടുന്നു.
ദുബായ് വിമാനത്താവളം (DXB) ഫോട്ടോ ചലഞ്ച് (ഒക്ടോബർ 28 മുതൽ നവംബർ 1 വരെ): ഈ ദിവസങ്ങളിൽ ദുബായിൽ എത്തുന്ന വിനോദസഞ്ചാരികൾക്ക് ‘വെൽക്കം പാക്ക്’ ലഭിക്കും. കൂടാതെ, ഫോട്ടോ ചലഞ്ചിൽ പങ്കെടുത്ത് RTAയുടെ പേജിൽ ഫീച്ചർ ചെയ്യാനും അവസരമുണ്ട്.
മെട്രോ സ്റ്റേഷനുകളിൽ സമ്മാനങ്ങൾ (നവംബർ 1 മുതൽ 15 വരെ): ബുർജ്മാൻ, യൂണിയൻ, മാൾ ഓഫ് ദി എമിറേറ്റ്സ് മെട്രോ സ്റ്റേഷനുകളിലെ എൻ.ബി.ഡി. കിയോസ്കുകൾ സന്ദർശിച്ച് സമ്മാനങ്ങൾ നേടുകയും Go4it കാർഡിനെക്കുറിച്ച് അറിയുകയും ചെയ്യാം.
’20 സെക്കൻഡ് സമ്മാനം’ (നവംബർ 1): അൽ ഗുബൈബ ബസ് സ്റ്റേഷനിലും ഇൻഷുറൻസ് മാർക്കറ്റ് മെട്രോ സ്റ്റേഷനുകളിലുമായി ഒരുക്കിയിട്ടുള്ള RTA20 ബൂത്തിൽ 20 സെക്കൻഡിനുള്ളിൽ ഒരു സമ്മാനം നേടാൻ അവസരം. ഇലക്ട്രോണിക്സ് ഉപകരണങ്ങൾ മുതൽ ചോക്ലേറ്റുകൾ വരെ സമ്മാനമായി ലഭിക്കും. നവംബർ 1-ന് മാത്രമാണ് ഈ ഓഫർ.
പ്രത്യേക പരിപാടികളും കിഴിവുകളും:
ജയന്റ് ഫോട്ടോ ബൂത്തുകൾ (നവംബർ 1): ബുർജ്മാൻ മെട്രോ സ്റ്റേഷനിലെ വലിയ ആർട്ട് ഫ്രെയിമുകളിൽ പോസ് ചെയ്യാനും ഡിജിറ്റൽ ഫോട്ടോ കോപ്പി എടുക്കാനും അവസരം. സമയം: രാവിലെ 9 മുതൽ വൈകീട്ട് 5 വരെ.
‘ബലൂൺസ് ആൻഡ് സ്മൈൽസ്’ (നവംബർ 1): ബുർജ്മാൻ മെട്രോ സ്റ്റേഷൻ (രാവിലെ 9 മണി), ഓൺപാസ്സീവ് മെട്രോ സ്റ്റേഷൻ, ശോഭ റിയൽറ്റി ട്രാം സ്റ്റേഷൻ (രാവിലെ 10 മണി), ഇൻഷുറൻസ് മാർക്കറ്റ് മെട്രോ സ്റ്റേഷൻ, ഉമ്മു റമൂൽ കസ്റ്റമർ ഹാപ്പിനസ് സെന്റർ (രാവിലെ 11 മണി) എന്നിവിടങ്ങളിൽ പ്രത്യേക വിനോദ പരിപാടികൾ ഉണ്ടായിരിക്കും.
സിനിമ ടിക്കറ്റ് കിഴിവ് (നവംബർ 1 മുതൽ 5 വരെ): റോക്സി സിനിമാസിലെ ടിക്കറ്റുകൾക്ക് RTA20 എന്ന പ്രൊമോ കോഡ് ഉപയോഗിച്ച് 20 ശതമാനം കിഴിവ് നേടാം.
നൂൺ കിഴിവ് (നവംബർ 1 മുതൽ 5 വരെ): നൂൺ (Noon) ഓൺലൈൻ ഓർഡറുകൾക്കും ഇതേ പ്രൊമോ കോഡ് ഉപയോഗിച്ച് 20 ശതമാനം ഡിസ്കൗണ്ട് ലഭിക്കും.
ലിമിറ്റഡ് എഡിഷൻ നോൾ കാർഡുകൾ (നവംബർ 1 മുതൽ 30 വരെ): എല്ലാ മെട്രോ സ്റ്റേഷനുകളിൽ നിന്നും പരിമിതമായ പതിപ്പിലുള്ള നോൾ കാർഡുകൾ (nol cards) ഈ കാലയളവിൽ ലഭ്യമാകും.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക* https://chat.whatsapp.com/DfsJVtpVohVHb4aFdLbW46?mode=wwt
നെഞ്ചുലഞ്ഞ്, ഉള്ളുതകർന്ന്; മലയാളി വിദ്യാർത്ഥിയുടെ അപ്രതീക്ഷിത വിയോഗത്തിൽ ഉലഞ്ഞ് യുഎഇയിലെ പ്രവാസി സമൂഹം, സ്കൂളിലെ പരിപാടികൾ മാറ്റിവെച്ചു
ദുബായ് സിറ്റി: ദുബായിലെ പ്രമുഖ സ്കൂളായ ജി.ഇ.എം.എസ് ഔവർ ഓൺ ഇന്ത്യൻ സ്കൂളിലെ മുൻ വിദ്യാർത്ഥിയായ പ്രവാസി മലയാളി വൈഷ്ണവ് കൃഷ്ണകുമാർ (18) അപ്രതീക്ഷിതമായി അന്തരിച്ചതിനെ തുടർന്ന് സ്കൂളിൽ നടക്കാനിരുന്ന എല്ലാ ആഘോഷപരിപാടികളും മാറ്റിവച്ചു. ചൊവ്വാഴ്ച രാത്രിയാണ് വൈഷ്ണവിനെ മരണം കവർന്നത്.
ഈ വർഷം ഓഗസ്റ്റിൽ സ്കൂളിൽ നിന്ന് ബിരുദം നേടിയ വൈഷ്ണവ് കൃഷ്ണകുമാർ മിഡിൽസെക്സ് യൂണിവേഴ്സിറ്റി ദുബായിൽ ബി.ബി.എ മാർക്കറ്റിംഗ് വിദ്യാർത്ഥിയായിരുന്നു. 14 വർഷക്കാലം ഇതേ സ്കൂളിലാണ് വൈഷ്ണവ് പഠിച്ചത്. പ്രാഥമിക വിവരങ്ങൾ അനുസരിച്ച്, ഹൃദയാഘാതമാണ് മരണകാരണം.
വൈഷ്ണവിന്റെ അമ്മ വിധു കൃഷ്ണകുമാർ ഇതേ സ്കൂളിലെ STEAM അധ്യാപികയാണ്. അദ്ദേഹത്തിന്റെ എട്ട് വയസ്സുള്ള ഇളയ സഹോദരിയും ഇവിടെ വിദ്യാർത്ഥിനിയാണ്. കുടുംബത്തിൻ്റെ ദുഃഖത്തിൽ പങ്കുചേർന്ന് സ്കൂൾ സമൂഹം അഗാധമായ അനുശോചനം രേഖപ്പെടുത്തി. വൈഷ്ണവിനോടുള്ള ആദരസൂചകമായി വ്യാഴാഴ്ച രക്ഷിതാക്കൾക്ക് നൽകിയ സർക്കുലറിൽ സ്കൂൾ അധികൃതർ എല്ലാ ആഘോഷങ്ങളും മാറ്റിവെച്ചതായി അറിയിച്ചു.
ഒക്ടോബർ 23 (പിങ്ക് ഡേ): ഈ പരിപാടി മറ്റൊരു തീയതിയിൽ വളരെ ലളിതമായി നടത്തും. വിദ്യാർത്ഥികൾ സാധാരണ സ്കൂൾ യൂണിഫോമിൽ എത്തണം.
ഒക്ടോബർ 24 (NIWD): കെ.ജി. മുതൽ അഞ്ചാം ക്ലാസ് വരെയുള്ള വിദ്യാർത്ഥികൾക്ക് നോൺ-ഇൻസ്ട്രക്ഷണൽ വർക്കിംഗ് ഡേ (Non Instructional Working Day – NIWD) റദ്ദാക്കി. കെ.ജി. മുതൽ 12-ാം ക്ലാസ് വരെയുള്ള എല്ലാ വിദ്യാർത്ഥികൾക്കും ഇത് സാധാരണ പ്രവർത്തി ദിവസമായിരിക്കും.
ഒക്ടോബർ 25 (ഫാമിലി ഫസ്റ്റ് കാർണിവൽ): ഈ പരിപാടി 2025 നവംബർ 8-ലേക്ക് മാറ്റിവച്ചു.
ദീപാവലിയോടനുബന്ധിച്ച് സുഹൃത്തുക്കളോടൊപ്പം നൃത്തം ചെയ്യുന്നതിനിടെ വൈഷ്ണവ് പെട്ടെന്ന് കുഴഞ്ഞുവീഴുകയായിരുന്നുവെന്ന് അടുത്ത കുടുംബസുഹൃത്ത് പറഞ്ഞു. ആശുപത്രിയിൽ എത്തിക്കുമ്പോൾ വൈഷ്ണവിന് പൾസ് ഉണ്ടായിരുന്നില്ല.
സ്കൂൾ കൗൺസിൽ ഹെഡ്ഡായി പ്രവർത്തിക്കുകയും അക്കാദമിക് രംഗത്തും സംവാദങ്ങളിലും മികവ് തെളിയിക്കുകയും ചെയ്ത മിടുക്കനായ വിദ്യാർത്ഥിയായിരുന്നു വൈഷ്ണവ്. പ്രത്യേക രോഗങ്ങളൊന്നും ഉണ്ടായിരുന്നില്ലാത്തതിനാൽ ഈ മരണം എല്ലാവരെയും ഞെട്ടിച്ചിരിക്കുകയാണ്. പോസ്റ്റ്‌മോർട്ടം റിപ്പോർട്ടിനായി കാത്തിരിക്കുന്നയാണ് ബന്ധുക്കൾ. മൃതദേഹം നടപടിക്രമങ്ങൾ പൂർത്തിയാക്കി കേരളത്തിലേക്ക് കൊണ്ടുപോയി.
മരിക്കുന്നതിന് തൊട്ടുമുമ്പ് ഇന്റേൺഷിപ്പ് ചെയ്യുന്ന സ്ഥാപനത്തിൽ നിന്ന് പഠനത്തിൽ ശ്രദ്ധ കേന്ദ്രീകരിക്കുന്നതിനായി മൂന്ന് മാസത്തെ അവധി എടുത്തിരിക്കുകയായിരുന്നു വൈഷ്ണവ്.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക* https://chat.whatsapp.com/DfsJVtpVohVHb4aFdLbW46?mode=wwt
യാത്രക്കാരെ പ്രതിസന്ധിയിലാക്കി വിമാനം വൈകൽ; ‘ഭർത്താവിനെ അവസാനമായി കാണാൻ നാട്ടിലേക്ക് പുറപ്പെട്ട യുവതി വിമാനത്തിനുള്ളിൽ ബോധരഹിതയായി’
ദുബായിൽ നിന്ന് മംഗളൂരുവിലേക്കുള്ള എയർ ഇന്ത്യ എക്സ്പ്രസ് IX-814 വിമാനം അനിശ്ചിതമായി വൈകിയതിനെ തുടർന്ന് യാത്രക്കാർ കനത്ത പ്രതിസന്ധിയിലായി. ബുധനാഴ്ച രാത്രി യുഎഇ സമയം 11.40-ന് പുറപ്പെടേണ്ടിയിരുന്ന വിമാനത്തിൽ കയറിയ യാത്രക്കാരെ ഏതാണ്ട് ഒരു മണിക്കൂറോളം ഇരുത്തിയശേഷം പുറത്തിറക്കുകയായിരുന്നു. ഇതോടെ രോഗികളും വയോധികരും കുട്ടികളും സ്ത്രീകളും അടക്കമുള്ള യാത്രക്കാർ വലിയ ബുദ്ധിമുട്ടുകൾ നേരിട്ടു. ഭർത്താവ് മരിച്ചതിനെ തുടർന്ന് അടിയന്തരമായി നാട്ടിലേക്ക് പോകുന്ന മംഗളൂരു സ്വദേശിനി ബോധരഹിതയായി വീണു, തുടർന്ന് അവർക്കു പ്രാഥമിക ചികിത്സ നൽകി. ഇതുപോലെ അടിയന്തരമായി നാട്ടിലേയ്ക്ക് പോകേണ്ടിയിരുന്ന ഒട്ടേറെ യാത്രക്കാരും വലയേണ്ടി വന്നു. വിമാനത്തിന്റെ വാതിലടയാത്ത സാങ്കേതിക തകരാറാണ് വൈകിയതിന്റെ കാരണം എന്ന് എയർ ഇന്ത്യ എക്സ്പ്രസ് അധികൃതർ അറിയിച്ചു.
യുഎഇയിലെ വിവിധ എമിറേറ്റുകളിൽ നിന്ന് മണിക്കൂറുകൾ മുൻപേ ദുബായ് രാജ്യാന്തര വിമാനത്താവളത്തിലെത്തിയ യാത്രക്കാർക്ക് ആദ്യം 1.10ന് വിമാനം പുറപ്പെടുമെന്ന് അറിയിച്ചെങ്കിലും, പിന്നീട് വീണ്ടും വൈകുമെന്ന് അറിയിക്കുകയും ചെയ്തു. യാത്രക്കാർ വിമാനത്തിനകത്ത് ഇരിക്കുമ്പോൾ ചൂട് മൂലം കുട്ടികൾ അസ്വസ്ഥരായി കരയാൻ തുടങ്ങി. ക്യാപ്റ്റൻ പ്രശ്നം ഉടൻ പരിഹരിക്കാമെന്ന് പറഞ്ഞിരുന്നെങ്കിലും യാത്ര വൈകി തുടരുകയായിരുന്നു. സ്ഥിതി വഷളായതോടെ അധികൃതർ യാത്രക്കാരെ വിമാനത്തിൽ നിന്ന് ഇറങ്ങാൻ ആവശ്യപ്പെട്ടു. തുടർന്നു യാത്രക്കാരെ ബസിൽ കയറ്റിയെങ്കിലും അത് ഒരു മണിക്കൂറിലേറെ വിമാനത്താവള പരിധിയിൽ അങ്ങോട്ടുമിങ്ങോട്ടും നീങ്ങി. ഒടുവിൽ പുലർച്ചെ നാലരയോടെ യാത്രക്കാരെ വിമാനത്താവളത്തിനകത്തേക്ക് തിരിച്ചെത്തിച്ചു.
യാത്രക്കാർ പ്രതിഷേധം ശക്തമാക്കിയതോടെ എയർ ഇന്ത്യ എക്സ്പ്രസ് അധികൃതർ സാങ്കേതിക തകരാർ പരിഹരിക്കാതെ വിമാനം പുറപ്പെടാനാകില്ലെന്നും എല്ലാവരെയും ഹോട്ടലിലേക്ക് മാറ്റുമെന്നും അറിയിച്ചു. ഹോട്ടലിൽ താമസിക്കാൻ താത്പര്യമില്ലാത്തവർക്ക് ടിക്കറ്റ് റദ്ദാക്കി പണം തിരിച്ചു നൽകുമെന്നും അറിയിച്ചതിനെ തുടർന്ന് ഭർത്താവ് മരിച്ച സ്ത്രീയടക്കം ചിലർ മറ്റ് വിമാനങ്ങളിൽ യാത്ര തിരിച്ചു.
എന്നാൽ ഭൂരിഭാഗം യാത്രക്കാരും ഇപ്പോഴും ഹോട്ടലിൽ കാത്തിരിക്കുകയാണ്. അവസാനമായി ലഭിച്ച വിവരമനുസരിച്ച് വിമാനം ഇന്ന് വൈകുന്നേരത്തോടെ പുറപ്പെടുമെന്നാണ് അധികൃതർ അറിയിച്ചു. യാത്രക്കാർക്ക് ആദ്യം ബർഗറും പിന്നീട് ഹോട്ടലിൽ ഭക്ഷണവും നൽകിയതായി റിപ്പോർട്ടുണ്ട്.
*യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക* https://chat.whatsapp.com/DfsJVtpVohVHb4aFdLbW46?mode=wwt
യുഎഇയുടെ വിവിധ ഭാഗങ്ങളില്‍ ശക്തമായ മഴ; വാദികളും മലമ്പാതകളും പുഴകളായി, മുന്നറിയിപ്പ്
യുഎഇയുടെ വിവിധ ഭാഗങ്ങളിൽ ചൊവ്വാഴ്ചയും കനത്ത മഴ തുടരുകയും മലയോര മേഖലകളിലെ വാദികൾ നിറഞ്ഞൊഴുകുകയും ചെയ്തു. ശക്തമായ മഴയിൽ മലമ്പാതകളും വാദികളും പുഴകളായി മാറിയതിന്റെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. പല പ്രദേശങ്ങളിലുമുണ്ടായ ഭാരമായ ജലപ്രവാഹം മൂലം റോഡുകളെയും നദികളെയും തിരിച്ചറിയാനാകാത്ത അവസ്ഥയായിരുന്നു.
ദേശീയ കാലാവസ്ഥാ കേന്ദ്രം (NCM) നേരത്തെ തന്നെ രാജ്യത്തിന്റെ കിഴക്കൻ, തെക്കുകിഴക്കൻ ഭാഗങ്ങളിൽ മഴമേഘങ്ങൾ എത്തുമെന്നും മുന്നറിയിപ്പ് നൽകിയിരുന്നു. കഴിഞ്ഞ ആഴ്ചകളായി യുഎഇയെ ബാധിച്ചുകൊണ്ടിരിക്കുന്ന ന്യൂനമർദമാണ് ഈ ശക്തമായ മഴയ്ക്കും താപനിലയിൽ ഉണ്ടായ ഇടിവിനും കാരണം. ഔദ്യോഗികമായി ശീതകാലം തുടങ്ങുന്നതിന് മാസങ്ങൾ മുമ്പ് ലഭിച്ച ഈ മഴ രാജ്യത്ത് ശൈത്യകാലത്തിന്റെ സൂചനയായി കണക്കാക്കപ്പെടുന്നു. മഴവെള്ളം പാറക്കെട്ടുകളിലൂടെയും മലയിടുക്കുകളിലൂടെയും താഴേക്ക് പതിക്കുമ്പോൾ ചെറിയ വെള്ളച്ചാട്ടങ്ങൾ രൂപപ്പെടുകയും വാദികൾ കവിഞ്ഞൊഴുകുകയും ചെയ്യുന്നു. ഇതോടെ പാറയിടിച്ചിൽ ഉണ്ടാകാനുള്ള സാധ്യതയും ഉയർന്നിരിക്കുകയാണ്. അസ്ഥിരമായ കാലാവസ്ഥയിൽ മലയോര പ്രദേശങ്ങളിലേക്കുള്ള യാത്രകൾ സ്വത്ത് നാശത്തിനും പരിക്കുകൾക്കും ജീവഹാനിക്കും കാരണമാകാമെന്ന് അധികൃതർ മുന്നറിയിപ്പ് നൽകി. അതിനാൽ വാഹനമോടിക്കുന്നവരും കാൽനടയാത്രക്കാരും വാദികൾ നിറഞ്ഞൊഴുകുന്ന പ്രദേശങ്ങളിലേക്കുള്ള യാത്രകൾ പൂർണ്ണമായും ഒഴിവാക്കണമെന്ന് അധികൃതർ ആവർത്തിച്ച് നിർദേശിച്ചു.
*യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക* https://chat.whatsapp.com/DfsJVtpVohVHb4aFdLbW46?mode=wwt
കൈയ്യടി; ദീപാവലി ആഘോഷം പൊടിപൊടിച്ചു, തെരുവുകളിലെ അവശിഷ്ടങ്ങള്‍ വൃത്തിയാക്കിയത് ഈ മൂന്നുപേര്‍
ദുബായിലെ അൽ മംഖൂൽ പ്രദേശത്ത് ദീപാവലി ആഘോഷങ്ങൾക്ക് പിന്നാലെ തെരുവുകൾ മാലിന്യങ്ങൾ കൊണ്ട് നിറഞ്ഞിരിക്കുമ്പോൾ, മൂന്ന് സുമനസ്സുകൾ മാതൃകയായ ശുചീകരണപ്രവർത്തനവുമായി രംഗത്തിറങ്ങി. ഒക്ടോബർ 22-ന് പുലർച്ചെ ഒരു മണിയോടെ ദുബായ് നിവാസിയായ നിഷ് ശെവക്കും സുഹൃത്തായ യുഗും ചേർന്ന് പ്രദേശം വൃത്തിയാക്കാൻ ആരംഭിച്ചു. വഴിയിലൂടെ കടന്നുപോയ ആദിൽ എന്ന യുവാവും ഇവരോടൊപ്പം ചേർന്നതോടെ, അൽ മംഖൂൽ മസ്ജിദ് പരിസരം പൂർണമായും വൃത്തിയാക്കി.
കാർഡ്ബോർഡ് ട്യൂബുകൾ, പ്ലാസ്റ്റിക് കവറുകൾ, കരിഞ്ഞ പടക്കങ്ങളുടെ അവശിഷ്ടങ്ങൾ എന്നിവ ഉൾപ്പെടെ നിരവധി മാലിന്യങ്ങൾ ഇവർ ശേഖരിച്ചു. “പുലർച്ചെ മൂന്ന് മണിയോടെ വീട്ടിലേക്ക് മടങ്ങിയപ്പോഴാണ് തെരുവുകൾ മുഴുവൻ മാലിന്യങ്ങളാൽ മൂടിയിരിക്കുന്നത് കണ്ടത്,” നിഷ് പറഞ്ഞു. “സുഹൃത്തിൻ്റെ വീട്ടിൽ നിന്ന് മടങ്ങിയപ്പോൾ ആ കാഴ്ച എനിക്ക് വല്ലാതെ അസ്വസ്ഥതയുണ്ടാക്കി. തുടർന്ന്, സോഷ്യൽ മീഡിയയിൽ മറ്റുള്ളവരെയും ചേർന്ന് വൃത്തിയാക്കാൻ ആഹ്വാനം ചെയ്തു.”
എന്നാൽ രാവിലെ ഉണർന്നപ്പോൾ പ്രദേശം ഇതിനകം വൃത്തിയാക്കിയതായി നിഷ് കണ്ടു. “ദുബായ് മുനിസിപ്പാലിറ്റി പുലർച്ചെ ഏഴ് മണിയോടെ തന്നെ എല്ലാം വൃത്തിയാക്കി. അവരുടെ വേഗതയും പ്രതിബദ്ധതയും അത്ഭുതപ്പെടുത്തി,” അദ്ദേഹം പറഞ്ഞു. അതിന് പിന്നാലെ, താനും സുഹൃത്തുക്കളും വീണ്ടും അർദ്ധരാത്രിയിൽ ചൂലും ചവറ്റുകുട്ടകളും എടുത്ത് തെരുവിലേക്ക് ഇറങ്ങി. “ആർക്കും കാത്തിരിക്കാതെ, ഞങ്ങൾ തന്നെ പള്ളിക്ക് സമീപമുള്ള ഭാഗം വൃത്തിയാക്കാൻ തുടങ്ങി,” നിഷ് പറഞ്ഞു.
വൃത്തിയാക്കുന്ന സമയം ആദിൽ ഇവരെ കണ്ടു ചേർന്നതോടെ മൂവരും ചേർന്ന് രണ്ടുമണിക്കൂറിലധികം ആ പ്രദേശം പൂർണമായി ശുചീകരിച്ചു. അൽ മംഖൂലിൽ ഈ യുവാക്കളുടെ പ്രവർത്തി സമൂഹത്തിന് ശുചിത്വവും ഉത്തരവാദിത്വവും ഓർമ്മിപ്പിക്കുന്ന മികച്ച മാതൃകയായി മാറി.
യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക* https://chat.whatsapp.com/DfsJVtpVohVHb4aFdLbW46?mode=wwt
Comments (0)