ഖത്തറിൽ ഡിജിറ്റൽ പേയ്‌മെന്റുകളിൽ വൻ വർധന
ദോഹ: 2025 ജൂലൈയിൽ ഡിജിറ്റൽ പേയ്‌മെന്റുകളിൽ ശക്തമായ വളർച്ച രേഖപ്പെടുത്തിയതായി ഖത്തർ സെൻട്രൽ ബാങ്ക് (ക്യുസിബി). 51.697 ദശലക്ഷം ഇടപാടുകളിലൂടെ 16.133 ബില്യൺ റിയാലിന്റെ വളർച്ചയാണ് രേഖപ്പെടുത്തിയത്.
കൂടാതെ കാർഡ് പേയ്‌മെന്റുകൾ, ട്രാൻസ്ഫറുകൾ, മൊബൈൽ വാലറ്റുകൾ എന്നിവയ്ക്കും വൻ തോതിൽ ഡിമാൻഡ് വന്നതായും അധികൃതർ ചൂണ്ടിക്കാട്ടുന്നു. ഉപഭോക്തൃ ചെലവുകളിൽ കാർഡ് അധിഷ്ഠിത പേയ്‌മെന്റുകളും കൂടുന്നുണ്ട്. ക്യുസിബിയുടെ കണക്കുകൾ പ്രകാരം ഈ മാസത്തിൽ 12.584 ബില്യൺ റിയാലിന്റെ കാർഡ് പ്രവർത്തനം നടന്നിട്ടുണ്ട്.
40.328 ദശലക്ഷം ഇടപാടുകളിലായി ആകെ 8.221 ബില്യൺ റിയാലാണ്, അതേസമയം ഇ-കൊമേഴ്‌സ് പ്രവർത്തനം 9.180 ദശലക്ഷം ഓൺലൈൻ ഇടപാടുകളിൽ നിന്ന് 4.363 ബില്യൺ റിയാലിലെത്തി. കാർഡ് പേയ്‌മെന്റുകൾക്കപ്പുറം, ഖത്തറിന്റെ തൽക്ഷണ പേയ്‌മെന്റ് സംവിധാനമായ ഫൗറാൻ ഗണ്യമായ വളർച്ച കൈവരിച്ചു. ജൂലൈയിൽ 1.869 ദശലക്ഷം ട്രാൻസ്ഫറുകളിലൂടെ 3.272 ബില്യൺ റിയാലാണ് പ്ലാറ്റ്‌ഫോം കൈകാര്യം ചെയ്തത്, 3.239 ദശലക്ഷം പുതിയ അക്കൗണ്ടുകളും രജിസ്റ്റർ ചെയ്യുന്നുണ്ട്.
ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/HqcUyFlZWDpLpVcL9LHHX8?mode=ac_t
Comments (0)