Pravasi Varthakal

യുഎഇ മന്ത്രിസഭയിൽ സുപ്രധാന മാറ്റങ്ങൾ പ്രഖ്യാപിച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം. വിദേശ വ്യാപാരത്തിനായി പുതിയ മന്ത്രാലയം രൂപീകരിച്ചതാണ് ഇതിൽ ഏറ്റവും ശ്രദ്ധേയം.ഡോ. താനി അൽ സെയൂദിയെ പുതിയ വിദേശ വ്യാപാര മന്ത്രിയായി നിയമിച്ചു. സാമ്പത്തിക മന്ത്രാലയത്തിന്റെ പേര് സാമ്പത്തിക, ടൂറിസം മന്ത്രാലയം എന്ന് മാറ്റിയതായും അബ്ദുല്ല ബിൻ തൗഖ് അൽ മർറി ഇതിന്റെ തലവനായി തുടരുമെന്നും അദ്ദേഹം അറിയിച്ചു.

മറ്റൊരു സുപ്രധാന നീക്കത്തിൽ 2026 ജനുവരി മുതൽ മന്ത്രിസഭയുടെയും മിനിസ്റ്റീരിയൽ ഡെവലപ്‌മെന്റ് കൗൺസിലിന്റെയും എല്ലാ ഫെഡറൽ സ്ഥാപനങ്ങളുടെയും സർക്കാർ കമ്പനികളുടെയും ഡയറക്ടർ ബോർഡുകളുടെയും ഉപദേശക അംഗമായി നാഷനൽ ആർട്ടിഫിഷ്യൽ ഇന്റലിജൻസ് സിസ്റ്റം പ്രവർത്തിക്കും. ഈ കൗൺസിലുകളിലെ തീരുമാനമെടുക്കലിനെ പിന്തുണയ്ക്കുക, അവരുടെ തീരുമാനങ്ങളെക്കുറിച്ച് ഉടനടി വിശകലനം നടത്തുക, സാങ്കേതിക ഉപദേശം നൽകുക, എല്ലാ മേഖലകളിലും ഈ കൗൺസിലുകൾ സ്വീകരിക്കുന്ന സർക്കാർ നയങ്ങളുടെ കാര്യക്ഷമത വർധിപ്പിക്കുക എന്നിവയാണ് ഇതിന്റെ ലക്ഷ്യമെന്ന് ഷെയ്ഖ് മുഹമ്മദ് പറഞ്ഞു. ലോകം നിരന്തരം മാറിക്കൊണ്ടിരിക്കുകയാണ്. വരും ദശകങ്ങൾക്കായി ഒരുങ്ങേണ്ടത് അത്യാവശ്യ കാര്യം. ഭാവി തലമുറകൾക്ക് ഐശ്വര്യവും മാന്യമായ ജീവിതവും ഉറപ്പാക്കേണ്ടതും നിർബന്ധമാണ്.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

രാ​ജ്യാ​ന്ത​ര കു​റ്റ​വാ​ളി യുഎ​ഇ​യി​ൽ അ​റ​സ്റ്റി​ൽ

തൊ​ഴി​ലാ​ളി​ക​ൾ​ക്ക്​ സൗ​ജ​ന്യ ആ​രോ​ഗ്യ പ​രി​ശോ​ധ​ന​യു​മാ​യി യുഎഇയിലെ ഈ എമിറേറ്റ്സ്