Pravasi Varthakal

ദോഹ: രാജ്യത്ത് ചൂട് ഉ​യ​ർ​ന്നു തു​ട​ങ്ങി​യ​തോ​ടെ ന​ട്ടു​ച്ച​നേ​ര​ത്തെ ഇ​രു​ച​ക്ര വാ​ഹ​ന ഡെ​ലി​വ​റി സേ​വ​ന​ങ്ങ​ൾ​ക്ക് വി​ല​ക്കേ​ർ​പ്പെ​ടു​ത്തി ഖ​ത്ത​ർ തൊ​ഴി​ൽ മ​ന്ത്രാ​ല​യം. രാ​വി​ലെ 10 മു​ത​ൽ ഉ​ച്ച ക​ഴി​ഞ്ഞ് 3.30 വ​രെ​യാ​ണ് മോ​ട്ടോ​ർ ബൈ​ക്ക് ഡെ​ലി​വ​റി​ക്ക് നി​യ​ന്ത്ര​ണം ഏ​ർ​പ്പെ​ടു​ത്തു​ന്ന​ത്. ജൂ​ൺ ഒ​ന്ന് മു​ത​ൽ നി​രോ​ധ​നം പ്രാ​ബ​ല്യ​ത്തി​ൽ വ​രും. സെ​പ്തംബര്‍ 15 വ​രെ ഇ​ത് തു​ട​രു​മെ​ന്ന് അ​ധി​കൃ​ത​ർ അ​റി​യി​ച്ചു. ഉ​ഷ്ണ ​മ​ർ​ദ​ത്തി​ന്റെ അ​പ​ക​ട​സാ​ധ്യ​ത​ക​ളി​ൽ​ നി​ന്ന് ഡെ​ലി​വ​റി തൊ​ഴി​ലാ​ളി​ക​ളെ സം​ര​ക്ഷി​ക്കു​ന്ന​തി​നും അവരുടെ ആ​രോ​ഗ്യ സു​ര​ക്ഷ ക​ണ​ക്കി​ലെ​ടു​ത്തുമാണ് മ​ന്ത്രാ​ല​യം നി​യ​ന്ത്ര​ണം പ്ര​ഖ്യാ​പി​ച്ച​ത്. ഡെ​ലി​വ​റി ക​മ്പ​നി​ക​ൾക്ക്‌​ രാ​വി​ലെ 10 മു​ത​ൽ ഉ​ച്ച​ക​ഴി​ഞ്ഞ് 3.30 വ​രെ അവരുടെ ഡെലിവറി സേ​വ​ന​ങ്ങ​ൾക്ക്‌ കാ​റു​ക​ൾ മാ​ത്ര​മേ ഉ​പ​യോ​ഗി​ക്കാ​ൻ അ​നു​വ​ദി​ക്കു​ക​യു​ള്ളൂ​വെ​ന്നും മ​ന്ത്രാ​ല​യം വ്യ​ക്ത​മാ​ക്കി. വേനൽക്കാലത്തെ കനത്ത ചൂടിൽ ഡെലിവറി സേവനത്തിൽ വരുന്ന ബുദ്ധിമുട്ടുകൾ ഉപയോക്താക്കൾ മനസ്സിലാക്കണമെന്നും മന്ത്രാലയം നിർദ്ദേശിച്ചു. 2022 മു​ത​ലാ​ണ് ഊ​ഷ്ണ കാ​ല​ത്തെ ഉ​ച്ച വി​ശ്ര​മ നി​യ​മ​ത്തി​ൽ ഡെ​ലി​വ​റി ബൈ​ക്ക് റൈ​ഡേ​ഴ്സി​നെ​യും ഉ​ൾ​പ്പെ​ടു​ത്തി തു​ട​ങ്ങി​യ​ത്. നി​ല​വി​ൽ മേയ് മാസത്തിൽ തന്നെ കനത്ത ചൂടാണ് ഖത്തറിൽ അനുഭവപ്പെടുന്ന്.​ രാവി​ലെ 10 മു​ത​ൽ​ ത​ന്നെ ഉ​യ​ർ​ന്നു​തു​ട​ങ്ങു​​ന്ന താ​പ​നി​ല ഉ​ച്ച 12 മ​ണി​യോ​ടെ ഏ​റ്റ​വും ഉ​യ​ർ​ന്ന നി​ല​യി​ലേ​ക്കു​യ​രും. ​വ്യാ​ഴാ​ഴ്ച 46 ഡി​ഗ്രി സെ​ൽ​ഷ്യ​സ് വ​രെ​യാ​യി​രു​ന്നു ഖ​ത്ത​റി​ലെ അ​ന്ത​രീ​ക്ഷ താ​പ​നി​ല.

ഖത്തറിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാകൂ https://chat.whatsapp.com/BsQQXAGm9mT0SOeedQwTJt