യുഎഇയിൽ മാധ്യമ നിയന്ത്രണം; പുതിയ നീക്കവുമായി മീഡിയ കൗൺസിൽ
യുഎഇയിലെ മാധ്യമ മേഖലയുടെ വളർച്ചയെ നിയന്ത്രിക്കാനും ശാക്തീകരിക്കാനുമായി യുഎഇ മീഡിയ കൗൺസിൽ പദ്ധതികൾ ആരംഭിച്ചു. ഇന്നലെ ദുബായിൽ നടന്ന പത്രസമ്മേളനത്തിലാണ് ഈ കാര്യങ്ങൾ പ്രഖ്യാപിച്ചത്. കൂടാതെ ഈ പദ്ധതികളിലൂടെ യുഎഇയിലെ കമ്മ്യൂണിറ്റി നിരീക്ഷണം സാധ്യമാക്കുന്നതിനായി ഒരു പുതിയ പ്ലാറ്റ്‌ഫോം ഉടൻ സ്ഥാപിക്കപ്പെടുമെന്നും വ്യക്തമാക്കി.കൂടാതെ യുഎഇയുടെ സന്ദേശം ലോകത്തിന് മുന്നിൽ എത്തിക്കുന്നതിനും മാധ്യമ മേഖലയിലെ സമകാലിക മാറ്റങ്ങളുമായി പൊരുത്തപ്പെടുന്നതിനും വേണ്ടി കഴിഞ്ഞ രണ്ട് വർഷമായി വികസിപ്പിച്ചെടുത്തതാണ് ഈ പുതിയ സംവിധാനം. ബിസിനസ് പ്രവർത്തനങ്ങൾക്കുള്ള നിയന്ത്രണം, ലംഘനങ്ങൾ, കണ്ടെന്റ് ക്രിയേറ്ററുള്ള ഇളവുകൾ തുടങ്ങി മറ്റ് നിയന്ത്രണപരമായ തീരുമാനങ്ങളും ഇതിൽ ഉൾപ്പെടുന്നു.അതെസമയം വ്യക്തികൾക്ക് മാധ്യമ സ്ഥാപനങ്ങളും ഔട്ട്‌ലെറ്റുകളും സ്വന്തമാക്കാൻ അനുവാദം നൽകുന്നതും നിർദ്ദിഷ്ട നിയന്ത്രണങ്ങൾക്കും വ്യവസ്ഥകൾക്കും കീഴിൽ പുതിയ ചട്ടക്കൂടിലെ ഒരു പ്രധാന വ്യവസ്ഥയായി മാറി. കൂടാതെ ഇത് കഴിഞ്ഞ 40 വർഷത്തിനിടെ ആദ്യമായി പുറപ്പെടുവിച്ച മാധ്യമ നിയന്ത്രണ നിയമം കൂടിയാണിത്.കൂടാതെ ഇത് വഴി വ്യക്തികൾക്കും വിവിധ മാധ്യമ സ്ഥാപനങ്ങൾക്കും വേണ്ടിയുള്ള മാധ്യമ പ്രവർത്തനങ്ങൾ ഈ സംവിധാനം നിയന്ത്രിക്കുകയും യുഎഇയിൽ പ്രചരിപ്പിക്കുകയും പ്രസിദ്ധീകരിക്കുകയും ചെയ്യുന്ന മാധ്യമ ഉള്ളടക്കത്തിന് 20 പുതിയ മാനദണ്ഡങ്ങൾ സ്ഥാപിക്കുകയും ചെയ്തിട്ടുണ്ട്.ദേശീയ ഐഡന്റിറ്റി സംരക്ഷിക്കുന്നതിനും എല്ലാ മാധ്യമ സ്ഥാപനങ്ങളും ഉള്ളടക്ക മാർഗ്ഗനിർദ്ദേശങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനും പരസ്യങ്ങൾക്ക് ആവശ്യമായ വ്യവസ്ഥകളും നിയന്ത്രണങ്ങളും നിശ്ചയിക്കുന്നതിനും ഈ പുതിയ മാനദണ്ഡങ്ങൾ ലക്ഷ്യമിടുന്നതായും അറിയിച്ചു.
തെറ്റിദ്ധരിപ്പിക്കുന്ന ഉള്ളടക്കം നിരോധിക്കുക, ഉള്ളടക്കവും പരസ്യവും തമ്മിൽ ആശയക്കുഴപ്പം ഉണ്ടാകുന്നത് തടയുക, വ്യക്തമായ പരസ്യ സന്ദേശങ്ങൾ ആവശ്യപ്പെടുക, ആരോഗ്യ പരസ്യങ്ങൾ പോലുള്ള അനുബന്ധ മേഖലകളിലെ അനധികൃത ഉള്ളടക്കം നിരോധിക്കുക എന്നിവയാണ് ഈ പുതിയ നിയന്ത്രണങ്ങളിൽ പ്രധാനമായും വ്യക്തമാക്കിയിട്ടുള്ളത്.കൂടാതെ ഈ നിയമം ലംഘിച്ചാൽ 1 മില്യൺ ദിർഹം വരെയുള്ള സാമ്പത്തിക പിഴകൾ ചുമത്തുമെന്നും. ലംഘനങ്ങൾ ആവർത്തിക്കുകയാണെങ്കിൽ 2 മില്യൺ ദിർഹം വരെ പിഴകൾ ഇരട്ടിയാക്കുമെന്നും അധികൃതർ മുന്നറിയിപ്പ് നൽകി. മറ്റ് പിഴകളിൽ വ്യക്തികൾക്കോ സ്ഥാപനങ്ങൾക്കോ മാധ്യമ സ്ഥാപനങ്ങൾക്കോ നൽകിയ ലൈസൻസുകൾ, പെർമിറ്റുകൾ, അംഗീകാരങ്ങൾ എന്നിവ റദ്ദാക്കലും ഇതിൽ ഉൾപ്പെടാൻ സാധ്യതയുണ്ട്.
പ്രാദേശിക ഉള്ളടക്കത്തെ പ്രോത്സാഹിപ്പിക്കുന്നതിനായി ക്രിയേറ്റർമാർ, എഴുത്തുകാർ, സിനിമ, നാടകം തുടങ്ങിയ പ്രാദേശിക നിർമ്മാണങ്ങൾ എന്നിവയ്ക്ക് കൗൺസിൽ ഇളവുകൾ കൂടെ പ്രഖ്യാപിച്ചു. പ്രസിദ്ധീകരണം, സിനിമ, ഇലക്ട്രോണിക് ഗെയിമുകൾ എന്നിവയ്ക്കായി പ്രത്യേക പാക്കേജുകൾ അവതരിപ്പിച്ചതായും അറിയിച്ചു.
Comments (0)