Pravasi Varthakal

യുഎഇയിൽ യാത്രാ വിലക്കോ നിയമപരമായ തടസ്സങ്ങളോ ഉണ്ടെങ്കിൽ ഇനി മിനിറ്റുകൾക്കുള്ളിൽ തന്നെ പരിശോധിക്കാൻ സാധിക്കും. അബുദാബിയിലുള്ള സന്ദർശകരും താമസക്കാരും കൂടുതലായി ഉപയോഗിച്ചുവരുന്ന ഒരു ഡിജിറ്റൽ സേവനമാണ് എസ്റ്റാഫ്‌സർ. യാത്രാ വിലക്കുകൾ, പോലീസ് കേസുകൾ, അദാലത്ത് നടപടികൾ എന്നിവയുമായി ബന്ധപ്പെട്ട് വ്യക്തിപരമായ നിയമസ്ഥിതി ഇത് വഴി പരിശോധിക്കാം.ഈ സേവനം യുഎഇയിലുള്ളവർക്ക് വളരെ ഉപകാരപ്രദമാണ്. കൂടാതെ കാലതാമസം ഇല്ലാതെ എളുപ്പത്തിൽതന്നെ സുരക്ഷിതമായ നിയമപരിശോധനയ്ക്ക് കൂടെ എസ്റ്റാഫ്‌സർ വഴിയൊരുക്കുന്നു. യുഎഇയുടെ സ്മാർട്ട് ഗവണ്മെന്റ് ശ്രമങ്ങളുടെ ഭാഗമായാണ് ഈ സേവനം നടപ്പിലാക്കിയത്.അബുദാബിയിലെ സർക്കാർ ഓഫീസുകൾ സന്ദർശിക്കാതെ തന്നെ, യാത്രാ വിലക്കുകൾ, തീർപ്പാക്കാത്ത നിയമപരമോ സാമ്പത്തികമോ ആയ കേസുകൾ, മറ്റ് ഭരണപരമായ പ്രശ്നങ്ങൾ എന്നിവയും എത്രയും വേഗത്തിൽ തന്നെ ഇത് വഴി പരിശോധിക്കാം. കൂടാതെ നിലവിൽ ആയിരക്കണക്കിന് യുഎഇ നിവാസികൾ ഇപ്പോൾ സ്മാർട്ട് അന്വേഷണ പ്ലാറ്റ്‌ഫോമായ എസ്റ്റാഫ്‌സർ ഉപയോഗിക്കുന്നതായാണ് റിപ്പോർട്ടുകൾ.2025ന്റെ തുടക്കത്തിൽ ഈസ്റ്റഫസർ വഴി 6,292 ഇലക്ട്രോണിക് അന്വേഷണം നടത്തിയിട്ടുണ്ട്. സ്വകാര്യ വ്യക്തികൾക്കും വ്യാപാര സ്ഥാപനങ്ങൾക്കുമെല്ലാം, യു‌എ‌ഇ അതിർത്തികളിൽ വച്ച് നിയമപരമായ തടസ്സങ്ങൾക്ക് മുന്നറിയിപ്പ് നൽകുന്നതിനും അനാവശ്യമായ വൈകിപ്പിക്കലുകൾ ഒഴിവാക്കുന്നതിനും ഈ സേവനം ഉപകാരപ്രദമാണ്.കൂടാതെ യാത്രയ്ക്കും തൊഴിലിനും മുമ്പായി സ്വന്തം നിയമസ്ഥിതി തൽസമയം പരിശോധിക്കാൻ സാധിക്കുന്നതിനാൽ എസ്റ്റാഫ്‌സർ ഒരു നിക്ഷിപ്ത സുരക്ഷാകവചമായി മാറുകയാണ്. അതേസമയം എഡിജെഡിയുടെ വെബ്‌സൈറ്റിലൂടെയും മൊബൈൽ ആപ്പിലൂടെയും 24/7 ലഭ്യമായ ഒരു ഡിജിറ്റൽ നിയമ സേവനം കൂടി നൽകുന്നു. പബ്ലിക് പ്രോസിക്യൂഷനിൽ നിന്നും മറ്റ് അധികാരികളിൽ നിന്നുമുള്ള വിവരങ്ങൾ ഉൾപ്പെടെ വ്യക്തിഗത നിയമപരമായ സ്റ്റാറ്റസ് അപ്‌ഡേറ്റുകളിലേക്ക് വേഗത്തിലും സുരക്ഷിതമായും ആക്‌സസം ഈ പ്ലാറ്റ്‌ഫോം നൽകിവരുന്നു.

യാത്രാ വിലക്കുകൾ, കോടതി കേസുകൾ, തീർപ്പാക്കാത്ത സാമ്പത്തിക ക്ലെയിമുകൾ എന്നിവ പരിശോധിക്കുന്നത് വഴി അതിനുള്ള ഉത്തരങ്ങൾ അറബിയിലോ ഇംഗ്ലീഷിലോ ഉറുദുവിലോ ലഭിക്കും. കൂടാതെ SMS, ഇമെയിൽ അല്ലെങ്കിൽ ആപ്പ് അറിയിപ്പുകൾ വഴിയും അപ്‌ഡേറ്റുകൾ അറിയാൻ സാധിക്കും. ഓൺലൈൻ പ്രൊഫൈലിൽ നിന്ന് നേരിട്ട് ഉത്തരങ്ങൾ ലഭ്യമാമാക്കുന്നത് വഴി ഓഫീസുകൾ സന്ദർശിക്കുകയോ പേപ്പർവർക്കുകൾക്കായി സമയം പാഴാക്കേണ്ട.ഈ സംവിധാനത്തിലൂടെ വേഗത്തിലുള്ള പ്രതികരണങ്ങൾ, കാര്യക്ഷമമായ സേവനം എന്നിയും ഉറപ്പ് നൽകുന്നുണ്ട്. അതിന് ഒപ്പം തന്നെ ലഭിക്കുന്ന 97% അന്വേഷണങ്ങൾക്കും ഒരേ പ്രവൃത്തി ദിവസത്തിനുള്ളിൽ ഉത്തരം ലഭിക്കുന്നതായും 99% അന്വേഷണങ്ങൾക്കും മൂന്ന് പ്രവൃത്തി ദിവസങ്ങൾക്കുള്ളിൽ പ്രതികരണം ലഭിക്കുന്നതായും അബുദാബി ജുഡീഷ്യൽ ഡിപ്പാർട്ട്മെന്റ് റിപ്പോർട്ട് ചെയ്തിട്ടുണ്ട്.

എസ്റ്റാഫ്‌സർ പ്ലാറ്റ്‌ഫോമിന്റെ വർദ്ധിച്ചുവരുന്ന ഉപയോഗം യുഎഇയുടെ സ്മാർട്ട്, പേപ്പർലെസ് ഭരണത്തിലേക്കുള്ള ശക്തമായ പുരോഗതിയെ പ്രതിഫലിപ്പിക്കുന്നു. കൂടാതെ ആഗോള നിലവാരത്തിലുള്ള മികച്ച രീതികൾ അനുസരിച്ച് സേവനങ്ങൾ ലളിതമാക്കുകയും, പരമാവധി സുതാര്യത ഉറപ്പാക്കുകയും ചെയ്യുന്നതിൽ അബുദാബി ജുഡീഷ്യൽ ഡിപ്പാർട്ട്‌മെന്റ് തുടർച്ചയായി മുന്നേറുകയാണ് എന്നതിന്റെ തെളിവ് കൂടെയാണ് ഈ സേവനം.

യുഎഇയിലെ വാർത്തകളും തൊഴിൽ അവസരങ്ങളും അതിവേഗം അറിയാൻ വാട്സ്ആപ്പ് ഗ്രൂപ്പിൽ അംഗമാവുക https://chat.whatsapp.com/EvsyvV3gKrEHNC3r1sci6g

ബുർജ് ഖലീഫ കാണാൻ ആഗ്രഹമുണ്ടോ? എന്നാൽ ഇനി നിങ്ങളുടെ റൂമിലിരുന്ന് കാണാം; ഉടൻ ഡൗൺലോഡ് ചെയ്യൂ

യുഎഇയിലെത്തിയ പ്രവാസി കുടുംബങ്ങൾ പ്രതിസന്ധിയിൽ; തിരിച്ചുപോക്ക് അവതാളത്തിൽ, വിമാന ടിക്കറ്റിന് ഇരട്ടിയിലേറെ വർധന

മൂല്യം അറിഞ്ഞ് നാട്ടിലേക്ക് പണം അയയ്ക്കാം; ഇന്നത്തെ യുഎഇ ദിർഹം – രൂപ വിനിമയ നിരക്ക് ഇപ്രകാരം‌